moris di'ak

Envolvimentu aman nian afeta labarik nia saúde

SAPO TL, 16 de juñu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Akademia hosi Pediatria Amerikanu divulga ba dala uluk relatóriu klíniku ida ne'ebé refere ba aman nia knaar no ba envolvimentu emosional hosi aman ho nia oan.

Relatóriu “Fathers’ Role in the Care and Development of Their Children: The Role of Pediatricians" sei publika iha fulan-Jullu tinan ne'e iha edisaun hosi revista Pediatrics.

Relatóriu fó korajen ba pediatra sira hodi ko'alia liu ho aman nune'e mós apela nia envolvimentu hahú hosi inísiu gravidés to'o kosok-oan nia moris, no inklui mós faktu furak sira kona-ba oinsá envolvimentu hosi aman nian afeta saúde no dezenvolvimentu hosi labarik.

"Aman sira iha duni impaktu impresionante ida iha labarik sira nia saúde, iha nia dezempeñu iha eskola, oinsá relasionadu ho belun sira no karik labarik bele iha problema sira iha futuru ho konsumu hosi substánsia sira no sala sira", fo sai hosi Dr. Michael Yogman, ko-autor hosi relatóriu foun AAP nian.

Tuir akordu ho AAP, aman sira influensia labarik sira nia saúde ho dalan espesífiku tebes, hanesan ezemplu:

- Halimar ho aman sai hanesan vigorozu no estimulante tebes. Aman hanesan forte liu iha nível fíziku no nune'e halo labarik esplora liu no bele iha risku kalkuladu, bainhira interasaun ho inan sira fó seguransa ho ekilíbriu.

- Aman iha liu probabilidade hodi hatama liafuan foun sira iha vokabuláriu labarik nian, bainhira ko'alia ho nia, nune'e hadi'a dezenvolvimentu linguajen nian. Komunikasaun entre aman ho oan to'o tinan tolu bele influensia, iha futuru, dezenvolvimentu hosi linguajen labarik nian.

- Adolesente sira ne'ebé iha relasionamentu besik ho aman ladún iha probabilidade hodi iha hahalok ho risku no ladún hetan depresaun. Iha fatin seluk, iha kazu ba labarik-feto sira, sira ne'ebé iha ligasaun emosional ho aman sedu iha probabilidade ki'ik hodi iha puberdade prekose (antes), hamenus númeru hosi esperiénsia seksual sira iha adolesénsia no gravidés sira ne'ebé la tuir hakarak.

Maibé, site Baby Center ho Google halo ona parceria ida hodi hatene di'ak liu knaar hosi aman foun sira no deskobre katak:

- 88% hosi aman sira foka liu iha perfeisaun duké inan sira (78%).

- Enkuantu inan sira foka liu iha organizasaun, iha dapur no iha atividade fíziku sira, aman sira preokupa liu hodi ekilibra moris pesoal ho moris familiar, apoiu finanseiru, preokupasaun ho dezempeñu eskola oan nian no fó prioridade ba família duké nia aan rasik.

- 72% hosi aman sira afirma katak halo kompras ho forma total ka parsial ba uma no ba oan sira.

- 60% tau família uluk duké serbisu.

- Kuaze 50% afirma katak sei la aseita promosaun ida iha serbisu bainhira serbisu ne'e halo sira pasa tempu ituan ho família.

Fonte: SAPO Lifestyle

komentáriu sira