moris di'ak

Ema sira ho HIV iha Timor-Leste relata abuzu sira ho diskriminasaun iha estudu dahuluk

SAPO TL, 27 de maiu de 2019

  • Surabaya, Indonésia

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ema seropozitivu sira iha Timor-Leste hasoru nafatin estigma no diskriminasaun iha família sira rasik, hosi área saúde ho sosiedade iha nível jeral, inklui kazu sira teste nian ho obriga halo esterilizasaun sira, haktuir hosi estudu ida.

Estudu, ne'ebé ba dala uluk analiza estigma ne'ebé maka ema sira ho HIV hasoru iha Timor-Leste, haree impaktu negativu hosi diskriminasaun ne'ebé maka sira hasoru, ne'ebé inklui kazu sira hosi abuzu fíziku ka hosi liafuan.

Entre problema sira ne'ebé identifika ona, estudu refere teste sira hosi HIV ne'ebé laiha konsentimentu ka laiha koñesimentu hosi pasiente sira, susar hodi iha asesu ba ai-moruk sira no ba serbisu saúde sira ne'ebé regular.

Problema ida ne'ebé hato'o maka funsionáriu sira hosi serbisu sira saúde nian fó sai ba públiku estadu HIV hosi pasiente sira no iha nafatin reasaun negativu sira bainhira revela moras ne'e.

Estudu, lidera hosi organizasaun Estrela+, hosi advokasia hosi ema sira ne'ebé iha HIV iha Timor-Leste, hetan apoiu hosi Governu timoroan, hosi ONU no hosi organizasaun sira seluk hosi sosiedade sivil nian.

Estudu rona ona ema na'in 80 resin ne'ebé moris ho HIV iha munisípiu sanulu no iha enklave Oecusse-Ambeno, iha vírus dezde tinan ida liubá no t'o tinan 15, reprezenta nune'e "parte boot ida" hosi pasiente sira.

Objetivu maka sukat Índise hosi Estigma HIV nian, ne'ebé dezenvolve ona hosi Rede Global hosi Ema Pozitivu sira (GNP+) hanesan dalan hodi analiza diskriminasaun ne'ebé ema seropozitivu sira hasoru iha nasaun hamutuk 90 iha mundu tomak.

Liu 1/3 hosi rezultadu sondajen nian (40%) hatete katak funsionáriu ida hosi serbisu saúde nian fó sai nia estadu HIV ba ema sira seluk lahó konsentimentu hosi pasiente.

Kuaze 60% hosi rezultadu sondajen nian hatete katak ema obriga halo teste ka halo teste ba sira lahó konsentimentu no 5% hatete katak ema obriga halo esterilizasaun dezde iha konfirmasaun hosi diagnóstiku.

Estudu hatudu problema sira iha jestaun ba isin-rua sira no iha prevensaun hosi transmisaun entre inan ho labarik, ho "respeitu ne'ebé la loos ba padraun internasional sira no rekomendasaun sira" kona-ba asuntu iha Timor-Leste.

Maioria hosi ema sira ne'ebé entrevistadu hatete katak agora daudaun senti "di'ak" ka "exelente" iha saúde, moris ho kondisaun sosial ho ekonómiku sira hanesan ho populasaun sira seluk.

Falta ai-moruk sira ka ai-moruk sira ho prazu ne'ebé liu ona - "maski Timor-Leste simu apoiu finanseiru internasional hodi sosa ai-moruk antiretroviral sira" - hanesan aspetu ida ne'ebé hato'o hosi ema sira ne'ebé tuir estudu.

Implementa ba dala uluk iha Timor-Leste, "Índise hosi Estigma HIV nian" permiti hatudu katak vítima sira hosi moras ne'e iha nasaun "hasoru nafatin dezafiu boot sira loron-loron, ho diskriminasaun iha família, iha área saúde nian no iha sosiedade iha nível jeral", refere hosi eis-responsável hosi programa HIV/SIDA hosi Ministériu Saúde, Frederico dos Santos.

Estudu haree katak kazu dahuluk hosi HIV iha Timor-Leste hetan de'it iha tinan 2003, Ministériu Saúde rejista to'o tinan 2017 nia rohan total ida ema seropozitivu hamutuk na'in 725, ne'ebé na'in 287 de'it maka iha asesu ba tratamentu antiretroviral.

Maski hosi fundu nasional sira ho internasional dedika ba asuntu, estudu hatudu katak 8% to'o 12 % de'it hosi feto sira no 15% to'o 20% de'it hosi mane sira maka iha informasaun kompletu kona-ba prevensaun HIV nian.

7% de'it hosi feto sira no 26% de'it hosi mane sira maka hatene fatin halo teste nian no 4% de'it hosi populasaun sira maka halo ona teste sira.

Fonte: Ajénsia Lusa

komentáriu sira