moris di'ak

Daniel Marçal hatete katak kizombra estraga joven sira nia futuru

SAPO TL, 26 de marsu de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Líder hosi komisaun luta kontra sida nian iha Timor hatete katak kizomba estraga joven sira nia futuru.

Pastor protestante ne'ebé lidera komisaun nasional ba luta kontra VIH/sida iha Timor-Leste konsidera ona katak dansa angolanu kizomba, ida ne'ebé maka popular iha nasaun aziátiku ne'e, "estraga futuru hosi joven sira ne'ebé pratika dansa ne'e".

Haktuir hosi imprensa timoroan sira, deklarasaun sira ne'ebé hamosu polémika foun ne'ebé halo hosi Daniel Marçal, responsável ba polítika komisaun nian hodi hasai promosaun ba uzu prezervativu hanesan dalan protesaun hasoru VIH/sida.

Haktuir hosi jornal Timor Post, Daniel Marçal konsidera katak kizomba "halo joven sira toman dansa ho forma provokativu", ne'ebé "estraga nia futuru", no hanesan preokupante atu sira ne'ebé joven liu, bainhira hakotu eskola, hatene dansa ida hanesan ne'e.

Notísia ne'e mosu iha semana ida hanesan bainhira deputada ida hosi CNRT, partidu boot timoroan nian, Bendita Moniz Magno, konsidera ona katak facebook kontribui hela ba aumentu sida nian iha Timor-Leste tanba permiti tan kontaktu sira entre joven sira.

Deklarasaun sira, iha kazu rua ne'e, hato'o iha enkontru ida ho alunu sira ne'ebé maka halo ona iha Eskola Sekundáriu Nobel da Paz iha final semana ne'e.

Responsável timoroan sira hatudu beibeik preokupasaun kona-ba liña orientadora sira hosi polítika ne'ebé maka halo hosi Komisaun Nasional ba Kombate hasoru HIV-SIDA (CNCS) no hosi estrutura sira seluk, tanba influénsia hosi igreja, iha Timor-Leste.

Iha tinan liubá, ministru Edukasaun Timor-Leste nia defende ona katak, maski hosi konservadizmu no hosi pozisaun relijiozu sira hosi sosiedade timoroan, maka hanesan importante aumenta programa sira edukasaun nian kona-ba planeamentu familiar no protesaun hasoru moras sira ne'ebé transmiti liuhosi dalan seksual nian.

"Hanesan asuntu sira ne'ebé delikadu tebes hodi trata iha Timor-Leste tanba hosi pozisaun sira kultura no kristianizmu sira ne'e. Maibé buat hotu iha ligasaun ho edukasaun, liuliu hosi populasaun sira ne'ebé sei iha nível edukasaun báziku tebes ne'ebé karik seidauk preparadu ba kestaun sira hanesan planeamentu familiar nian", António da Conceição hatete ona ba Lusa.

Hanesan ezemplu, mosu nafatin krítika sira ne'ebé hatete katak CNCS la halo rekomendasaun ba uzu prezervativu, hodi hili dalan promosaun ba "autokontrolu".

Postura ne'e hetan krítika hosi funsionáriu sira hosi área saúde no reprezentante sira hosi organizasaun balun hosi sosiedade sivil ne'ebé hatudu ba aumentu hosi moras sira liuhosi dalan seksual, inklui hepatiti no ba falta hosi programa adekuadu sira ba prevensaun nian.

Bainhira hatán kona-ba alterasaun polítika nian, Daniel Marçal explika ona katak hanesan "mudansa ida métodu nian" ne'ebé hakarak "muda mentalidade sira no hábitu sira" no "la'ós estimula seksu livre".

Iha deklarasaun sira ba Lusa, Marçal refere ona ba "pekadu" ne'ebé nia defini hanesan "seksu livre".

ho Lusa

komentáriu sira