moris di'ak

Dalan 5 hodi prevene kankru susun nian

Sapo TL, 21 de outubru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hafoin deskobre tiha katak nia iha kankru susun nian, médika Ilná Escóssia desidi hasai espesialista iha mastolojia, área ida iha medisina nebe estuda anatomia no patolojia susun nian. Moras ne'e muda nia moris no, nune'e, nia husik iha entrevista ida ba BBC dalan lima hodi luta hasoru kankru susun nian, tumór ida nebe mosu iha feto sira no sai hanesan kauza mate nian.

Halakon bokur sira
Tenki kombate hasoru bokur nebe maka'as iha alimentasaun. Estudu atus resin hatudu katak bokur, liuliu bokur animál nian, aumenta risku hodi hetan kankru susun nian. Liuliu hafoin menopauza, bokur transforma ba hormona sira liuhosi enzima aromataze no nune'e aumenta risku kankru nian.

Halo teste ba saúde
Mamografia hanesan teste ida nebe tenki halo, ezame importante tebes hodi bele hetan antes kankru susun. Bele halo hahú hosi tinan 35, bainhira feto iha família iha grau dahuluk nebe iha kankru hanesan: inan ka feton. Ezame ne'e tenki halo tinan-tinan hafoin iha tinan 50, ba feto sira hotu. Kankru susun nian bele mosu entre tinan 50 to'o 70.

Evita stress
Kestaun emosionál hanesan importante tebes. Feto barak nebe terus bele hetan kankru. Stress kontribui hodi halakon imunidade no halo organizmu sai fraku, nune'e favorese ba alterasaun sélula sira nian. Ho imunidade nebe oituan, sélula sira sai barak no lahó orientasaun. Ne'e maka karakteriza prosesu kankru nian, multiplikasaun nebe laloos hosi sélula normál sira, hodi hamosu tumór sira.

Evita fuma
Fuma la'ós sai de'it hanesan risku ba moras fuan ka kankru pulmaun nian. Fuma ka dada iis iha fatin nebe iha suar bele mós influensia risku ba kankru susun nian, bexiga, próstata, no moras sira seluk.

Pratika desportu
Bainhira ita ladún book ita nia isin bele aumenta 30% risku hodi hetan la'ós de'it kankru susun nian maibé kankru sira seluk hanesan kankru próstata nian.

Fonte: Saúde & Medicina

komentáriu sira