moris di'ak

Bele halo teste diagnótika ba kankru kulit liu hosi hudi

SAPO TL, 09 de fevereiru de 2016

Marka metan-metan ba hudi hirak ne’ebé tuan ka tasak ona, ajuda ita atu halo lalais no fasil liu ldiagnótika kona-ba kankru kulit, no bele aumenta ita-ninia moris, haktuir matenek-na’in sira.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Bainhira hudi hahú tasak, mosu marka metan-metan kabuar iha hudi ninia lolon, tanba enzima tirosinaze no ida ne’e mos maka akontese ba isin-kulit hodi ema sira ne’ebé sofre melanoma, forma letál ida hosi kankru kulit nian.


Ekipa hosi sientista nian ida uza semellansa ne’e hodi harii scanner kankru nian ida no tuir preskizadór sira hosi Laboratóriu Físika no Analítika Eletroquímika Suísa nian, enzima maka sai hanesan markadór ne’ebé iha liu konfiansa atu analiza kresimentu hodi melanoma.


Scanner iha microeléctrodos flexível ualu, ho espasu hanesan sasuit ninia nehan, no kruza iha ita-ninia kulit no sai sasukat ba kuantidade nomós distribuisaun tirosinase nian.
"Sistema ne’e bele halo atu lapresija halo teste invazivu hanesan biópsias", dehan xefe ekipa investigadór nian ida, Hubert Girault.


Hubert Girault fi’ar katak iha futuru teste refere bele uza hodi harahun tumór, hapara biópsias no quimioterapias.


“Ami-ninia teste laboratóriu haktuir katak hudi ne’e bele uza hodi harahun sélula”, hakotu.


SAPO TL ho Lusa

komentáriu sira