moris di'ak

Austrália sei autoriza esportasaun ba marijuana medisinal

SAPO TL, 04 de janeiru de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha loron-kinta ne'e, Austrália desidi autorizasaun ba esportasaun marijuana hodi uza iha terapia, ho objetivu aumenta oportunidade sira negósiu nian hosi produtor lokal sira no halo nasaun sai hanesan líder mundial ida.

"Hanesan etapa ida importante tebes ba ami nia pasiente sira no ba produsaun nasional", deklara hosi ministru Saúde australianu, Greg Hunt, ba kanal ABC.

Iha fulan-Marsu, esplorasaun dahuluk simu ona autorizasaun hodi produz marijuana medisinal, tuir esplorasaun sira seluk, tanba Governu konsidera katak ne'e hanesan atividade ekonómiku ba futuru.

"Ezisténsia hosi merkadu australianu ida no hosi merkadu internasional ida sei hadi'a atividade nia lonjevidade iha Austrália", nia hatete.

Hunt hatutan ona katak Austrália hakarak sai hanesan "produtor dahuluk hosi marijuana iha mundu hodi halo terapia", maibé kondisaun ida hodi hetan lisensa esportasaun nian maka aseita atu merkadu doméstiku tenki kontinua sai hanesan prioridade hosi produtor.

Uzu rekreativu hosi marijuana hetan bandu iha Austrália, nasaun ne'ebé legaliza nia utilizasaun ba parte medisina iha tinan 2016.

ho Lusa

komentáriu sira