moris di'ak

Artista ki'ik-oan sira

Sapo TL, 27 de maiu de 2014

Ensinu arte sira nian tulun labarik sira atu dezenvolve sira ninia potensiál. Tanba ne'e di'ak tebes pinta, dansa no toka.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hahú sedu, labarik sira iha sensibilidade ba estímulu artístiku sira. Imajen ida, melodia ida ka movimentu isin espesífiku ida bele halo sira iha lalais atensaun no, dalabarak, buka hatene oinsá atu halo.

Husik halo ho vontade, labarik sira sei hatudu ho naturalidade. Ho lápis kór iha liman, kanta múzika koñesidu ruma ka inventadu iha oras ka esperimenta hakat ida dansa nian iha espellu ninia oin.

Aleinde satisfasau ne'ebé bele hetan hosi atividade sira ne'e, pinta, dansa, kanta no karik aprende toka instrumentu ida hanesan triunfu importante tebes iha aprendizajen no dezenvolvimentu mentál no emosionál. Estimula imajinasaun no kriatividade, loke dalan ba espresaun sentimentu sira nian no hanorin prinsípiu importante sira hanesan persisténsia, serbisu ho ekipa, satisfasaun ba dever ne'ebé kumpri no ksolok tanba fó ksolok ba ema seluk.

Esplorasaun sentidu sira nian

Kuríkulu sira ensinu pré-eskolár nian nakonu ho esplorasaun ba rikeza ne'e, transforma nia iha atividade sira hodi hetan kompeténsia sira. Hanesan ezemplu, bainhira toman pintura, labarik sira dezenvolve matenek ne'ebé nesesáriu hodi kaer iha lápis ida no kaneta ida bainhira hahú aprende hakerek.

Bainhira toman uza ninia imajinasaun no kreatividade, labarik sira hetan mós dalan kompetente no seguru ba dezafiu sira aprendizajen nian ne'ebé sira bele hasoru.

Ho liafuan seluk ita bele hatete, bainhira labarik sira toman hodi uza sira ninia kompeténsia hodi hasoru, jere no ultrapasa dezafiu sira, sei laiha angústia no sira sei buka beibeik. Arte sira hanesan kaldu kultura ideál nian hodi hetan kompeténsia sira ne'e.

Por outras palavras, o desconhecido deixa de ser angustiante e passa a ser desejado se a criança estiver habituada a usar competências para enfrentar, gerir e ultrapassar desafios. E as artes são o caldo de cultura ideal para obter essas mesmas competências.

Rekoñesimentu globál

Sientista portugés António Damásio - rekoñesidu iha mundu tomak tanba ninia traballu inovadór iha kampu kakutak no emosaun ema sira nian - hanesan defensór boot ida arte sira nian bainhira hanesan dalan ba dezenvolvimentu ema nian. "Siénsia no Matématika importante tebes, maibé labele haluha Arte no Humanidade no pensamentu intuitivu ne'ebé maka iha buat foun ida ninia kotuk", nia konsidera.

Ensinu artístiku ninia importánsia maka'as tebes no rekoñesidu hosi UNESCO, ne'ebé konsidera katak labele haluha arte sira la'ós de'it ba labarik sira maibé mós ba sosiedade tomak.

Tuir instituisaun Nasoens Unidu ne'e, Edukasaun Artístiku hanesan "dalan privilejiadu ba komprensaun no prezervasaun kultura sira nian". Tanba ne'e rekomenda ba governante sira, eskola sira, profesór sira, família no aman-inan sira atu "transmiti valór estétiku sira no identidade kulturál liuhosi ensinu artístiku hodi promove sustentabilidade sosiál pasífiku ida no dezenvolvimentu ba identidade pesoál sira".

(Artigu hakerek hosi Maria C. Rodrigues)

Sapo TL ho SAPO Crescer

komentáriu sira