moris di'ak

ADN maternu iha knaar importante iha envellesimentu saudável - estudu

SAPO TL, 07 de jullu de 2016

  • EPA@ Dumitru Doru

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Material jenétiku ne'ebé transmiti espesialmente hosi inan iha knaar importante ida iha envellesimentu saudável no mós iha predispozisaun ba obezidade, haktuir hosi estudu ida ne'ebé hala'o hosi sientista españól sira.

"Metabolizmu no envellesimentu hanesan determina hosi interasaun entre genoma rua, genoma nuklear ho genoma mitokondrial", esplika hosi Jose Antonio Enriquez, ne'ebé diriji ona estudu ne'ebé publikadu iha loron-kinta ne'e iha revista sientífiku Nature.

Genoma ema nian iha jene hamutuk 23.000 resin, no maioria hela iha núkleu hosi sélula no iha de'it jene hamutuk 37 maka bele hetan iha mitokondria sira, estrutura ki'ik sira ne'ebé envolve núkleu no iha knaar importante iha metabolizmu enerjétiku hosi sélula.

ADN mitrokondrial hanesan hetan de'it hosi inan tanba mitokondria sira hosi esperma lakon durante fertilizasaun.

Sientista españól sira serbisu ona ho liñajen rua hosi laho sira ne'ebé iha ADN nuklear hanesan maibé iha ADN mitokondrial ne'ebé la hanesan. Animal sira ne'e moris iha ambiente hanesan no fó han ho dalan hanesan.

Bainhira la hetan diferensa sira iha laho sira ne'ebé joven liu, sira ne'ebé simu mitokondria "esternu" sira ladún dezenvolve antes sinal envellesimentu nian no ladún bokur duké sira ne'ebé mantén ona ADN mitokondrial hosi orijen.

Tuir Ana Latorre-Pellicer, sientista ne'ebé partisipa ona iha estudu, katak alterasaun sira iha ADN mitokondrial hamosu ona "adaptasaun selular ida iha animal joven sira" ne'ebé permiti ona prosesu ida evellesimentu saudável".

"Ha'u senti katak laiha rezultadu oinseluk iha ema moris", afirma hosi Enriquez no subliña ona nesesidade hodi halo tan estudu seluk hodi konfirma rezultadu sira.

ho Lusa

komentáriu sira