lifestyle

Xina hakotu ponte kristal ne'ebé naruk liu iha mundu

SAPO TL, 31 de maiu de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Ponte ida ne'ebé halo hosi kristal, ho naruk metru 393 no suspensu iha aas metru 360 - tuir kritériu rua ne'e sai hanesan ponte naruk liu iha mundu -, hotu ona iha desfiladeiru Zhangjiajie nian iha sentru Xina.

Tuir jornal hosi Hong Kong South China Morning Post, estrutura ne'ebé situa iha parke florestal Tianmenshan, projetadu hodi suporta to'o ema na'in 800 iha tempu hanesan.

Pinta hosi arkitektu israelita Haim Dotan, ne'ebé pinta tiha ona pavillaun Israel nian ba espozisaun iha Xangai 2010, estrutura ne'e hanoin atu hotu iha tinan 2015 maibé obra sira hetan atrazu tanba udan boot ne'ebé atinji iha rejiaun ne'e.

Zhangjiajie, área ida ne'ebé halibur foho ho fatuk sira, sai famozu tanba inspira foho sira "Aleluya" hosi filmi Avatar.

Konstrusaun ida hosi ponte hanesan, ne'ebé permiti ba turista sira apresia paizajen iha nia pormenor sira, aumenta iha parke no edifísiu sira iha Xina.

Iha fulan-Outubru liubá, vizitante sira hosi parke Yuntaishan hakfodak bainhira ponte vidru ida ne'ebé atravesa desfiladeiru ho aas metru 1.000 hahú nakfera.

ho Lusa

komentáriu sira