lifestyle

Woman Of The Year nia naran Emma Watson

SAPO TL, 15 de fevereiru de 2017

  • Emma Watson

  • Emma Watson

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís britániku Emma Watson konsideradu ona hanesan Woman Of The Year hosi revista Elle hosi Reinu Unidu.

Iha loron-segunda kalan liubá, loron 13, halo iha Londres gala Elle Style Awards no eis-atrís Harry Potter nian hetan homenajen boot iha kalan ne'e.

Emma Watson, ho tinan 26, konsideradu ona hanesan Woman Of The Year ba edisaun britániku hosi revista Elle, no la'ós de'it tanba estilu ne'ebé nia iha, maibé tanba nia asaun iha nível humanitáriu mós sai hanesan baze ba desizaun.

Subliña katak Emma nia serbisu hamutuk ho ONU kona-ba igualdade jéneru no defeza ba feto sira sai hanesan fatór importante ba atribuisaun prémiu ne'e.

"Ne'e la'ós hanesan tinan ida ne'ebé bele halo ita nonook", nia afirma ona. "Ne'e hanesan tinan ida ne'ebé ema rona feto sira nia lian", nia hatutan.

Hanesan konkluzaun, subliña mós katak Emma Watson prepara atu sai estrela Disney ida nian iha filmi "Beauty and the Beast", ho estreia markadu ba tinan ne'e. Hanesan ita bele dehan katak tinan 2017 sai daudaun hanesan tinan ida importante ba joven atrís ne'e.

Fonte: NM/SAPO Lifestyle

komentáriu sira