lifestyle

William ho Kate hasoru malu ho admiradór indianu ho tinan 93

SAPO TL, 12 de abril de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Duke sira hosi Cambridge vizita Mumbai, iha Índia, no hasoru malu ho sira nia admirador ida ho naran Boman Kohinoor.

Iha loron-domingu kalan, William ho Kate hasoru malu ho Boman Kohinoor, restaurante na'in ne'ebé koñesidu liu iha Mumbai.

Mane ho tinan 93 koñesidu hanesan admiradór númeru dahuluk ba família real britániku iha Índia no iha nia kafé enfeita ho poster boot kaben-na'in nian.

Nia mehi sai hanesan realidade hafoin kampaña #WillKatMeetMe, ne'ebé hala'o iha rede sosial sira, rona hosi kaben-na'in ne'e.

"Alteza Real sira senti komovidu no konvida ona nia ba to'o iha sira nia hotél, antes hahú eventu benefisiénsia iha loron-domingu kalan", fó sai hosi Palásiu Kensington iha loron-segunda ne'e iha Twitter, ho foto ida hosi kaben-na'in ne'e hamutuk ho Kohinoor.

Indianu, ne'ebé ko'alia ho sira durante minutu 10 iha hotel Taj Mahal Palace, senti impresionadu.

"Ha'u la imajina katak prínsipe hanesan enkantadór no prinseza Kate furak tebes", Kohinoor hatete ba AFP iha nia restaurante.

Kohinoor, ne'ebé fó ba Kate ai-funan buket amarelu, admiti ona katak senti nervozu oituan.

"Ha'u dezeja ba sira futuru ksolok ida no ha'u haruka ona votu di'ak tebes ba Liurai-Feto Elizabeth, no ha'u husu mós atu fó rein ida ba ha'u nia prínsipe George no ba prinseza Charlotte", nia hatutan.

Kate Middleton destaka iha vizita ofisial ba Índia

Dukeza hosi Cambridge akompaña ona nia laen iha aparisaun públiku dahuluk iha nasaun ne'e.

Kate Middleton ho William vizita ona ba dala uluk Índia no sai hanesan estrela Bollywood nian ba kalan ida, adianta ona hosi Daily Mail.

Duke sira hosi Cambridge sai hanesan konvidadu onra nian ba jantar karidade ida ne'ebé halibur selebridade indianu barak.

Sentru atensaun sira maka Kate ne'ebé hatudu nia furak ho vestidu azul elegante ida ne'ebé nakonu ho fatuk nabilan sira. Ho estilu ida ne'ebé hili tuir nia detalle, Catherine uza mós clutch ki'ik ida, brinku naruk no kesi nia fuuk.

Fonte: NM & AFP

komentáriu sira