lifestyle

Uluk ema goza iha eskola no ohin loron hanesan modelu ida ho susesu

SAPO TL, 02 de janeiru de 2017

  • créditos: Instagram

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Uluk iha eskola ema goza tanba nia kór kulit nian no ohin loron sai hanesan modelu ida ho susesu.

Khoudia Diop hanesan modelu senegaleza ida ho tinan 19 ne'ebé destaka ona iha mundu moda nian tanba kór hosi nia kulit.

Khoudia Diop hetan bullying no rasizmu hosi nia kolega sira iha eskola tanba konsidera nia hanesan ema ida ne'ebé oinseluk. Konsidera nia hanesan "nakukun" ka "oan-feto kalan nian".

Maibé bainhira nia hahú boot, hamosu atensaun hosi ajénsia modelu oioin no ohin loron iha kareira ida susesu nian iha mundu moda nian.

"Melaniin goddess", hanesan nia naran iha konta Instagram, hetan ona fã hamutuk 250.000 resin. Nia esplika katak hili naran ne'e, referénsia ida ba pigmentu ne'ebé fó kór ba kulit hosi ema ida-idak nian, hodi fó korajen ba feto sira ne'ebé terus tanba rasizmu ka bullying hodi bele fiar aan maka'as liután. "Ha'u hakarak inspira joven sira no hatudu ba sira katak ita hotu bele sai maromak iha liur ka laran", nia hakotu.

Ba Daily Mail, nia konta katak uluk hasoru ho aten barani ba bullying ne'ebé hatauk nia no nia hatutan katak ohin loron hakarak ignora komentáriu negativu sira no foka liu iha buat ne'ebé importante liu: gosta aan rasik, aumenta gostu iha loron-loron. "Ema ida-idak hanesan úniku - ita labele tenta sai hanesan ema seluk", nia hakotu.

Fonte: SAPO Lifestyle

komentáriu sira