lifestyle

Timoroan prepara fila hafoin manán prémiu iha Reinu Unidu

SAPO TL, 02 de maiu de 2019

  • Imagem@ Jon Parker Lee

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Timoroan na'in ida ne'ebé manán ona prémiu ida ho folin euro rihun 67,5 iha lotu hakarak fila ba Timor-Leste, ne'ebé nia husik nia feen ho oan sira iha tinan lima liubá hodi serbisu iha fábrika ida iha Scunthorpe, iha norte Inglaterra nian, fó sai iha notísia hosi jornal lokal ida.

"Ha'u muda hosi Timor-Leste iha tinan lima liubá no hahú hosi tempu ne'ebá maka ha'u la haree ha'u nia feen Jovita ho ha'u nia oan sira, sira iha tinan 13 ho tinan 7", hatete hosi Elísio Ximenes ne'ebé maka haktuir hosi Grimsby Telegraph.

Hafoin manán tiha prémiu hamutuk libra rihun 58 (euro rihun 67,5), timoroan ne'e despede hosi fábrika, ne'ebé halo prosesamentu ba na'an-manu ne'ebé hanesan fatin nia halo turnu kalan nian, hodi bele fila ba Timor-Leste ne'ebé nia hakarak loke restaurante ida.

"Ha'u nia feen hanesan koziñeira di'ak ida ba hahán tradisional no agora ami bele hahú negósiu ida restaurante nian iha ha'u nia nasaun. Maibé, ba dala uluk, ha'u nia família tomak sei ba férias iha Bali, ne'ebé hanesan fatin furak ida no ne'ebé hanesan fatin ida ne'ebé ha'u sempre hakarak vizita", nia hatutan.

Elísio Ximenes nia moris muda ona tanba aposta ida ne'ebé nia halo ho libra 2,7 (euro 3,14) iha loja ida hosi aposta lokal nian, ne'ebé semana-semana nia gasta libra ida ho númeru arbiru sira, maibé sorte monu ba nia bainhira nia desidi númeru sira ne'ebé iha relasaun ho serbisu.

"Semana-semana ha'u ba misa no ha'u haruka nafatin osan ba uma maski ha'u simu de'it libra 1.200 (euro 1.400) fulan-fulan tanba serbisu kalan. Ha'u senti haksolok tebes no iha sorte tanba halo buat barak ho ha'u nia moris hafoin gasta de'it libra 2,7... hanesan fantástiku", nia komenta.

Fonte: Ajénsia Lusa

komentáriu sira