lifestyle

Timor-Leste lansa kampaña promosaun ba turizmu doméstiku

SAPO TL, 31 de jullu de 2020

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Área turístiku, hamutuk ho koperasaun norte-amerikanu, hahú iha Agostu kampaña foun ida hodi promove turizmu doméstiku hodi halo krizi COVID-19 sai hanesan oportunidade ida hodi dezenvolve merkadu internu, anunsia iha loron-kinta ne'e.

Kampaña, ne'ebé nia objetivu hakarak divulga 'tag' hamutuk millaun 1,3 resin - númeru ne'ebé aproximadu hosi populasaun nasaun nian - ho mensajen #haunitatimorleste hakarak kapitaliza iha faktu katak Timor-Leste izoladu hodi hametin turizmu doméstiku, hosi ema timoroan sira no mós ema estranjeiru sira.

Inisiativa ida, ne'ebé tuir esplika hosi responsável projetu Tourism for All hosi USAID, hakarak reforsa parseria sira iha área, aumental potensial hosi turista doméstiku sira ho hatudu "katak turizmu haneasn kestaun ida hosi ema tomak".

"Bainhira ita bele, serbisu hamutuk ho setor privadu, potensializa mensajen ne'e ita bele halo 'reboot' ida ba ita nia ideia sira kona-ba turizmu, área ida ne'ebé hanesan importante ba dezenvolvimentu futuru nasaun nian", hatete hosi Peter Semone, responsável hosi projetu USAID, iha enkontru ida iha Díli iha loron-kinta ne'e.

"Hanesan oportunidade ida hodi bele kanaliza tan osan sira ne'ebé disponível ba ema tomak ba área, hadi'a buat sira ne'ebé maka tenki hadi'a, hodi nune'e bainhira área internasional turizmu nian hala'o, Timor-Leste bele iha pozisaun di'ak", nia esplika.

Kampaña, ne'ebé hala'o to'o tinan ne'e nia rohan, envolve asaun sira hosi promosaun interna, buka hatudu katak "turizmu envolve área hoteleiru, tasi ho viajen sira, maibé mós restaurante sira ho kafé sira".

"Sé maka iha Timor, ema timoroan ka estranjeiru, iha nia definisaun kona-ba saida maka hanesan Timor ka nu'udar ema timoroan. Ami hakarak atu ema hotu hatudu vizaun ne'e, aumenta koñesimentu públiku hosi serbisu sira ne'ebé disponível", nia refere.

"Dalabarak, ema timoroan sira rasik la entende saida maka turizmu. Hatete ba ema timoroan sira ho ema estranjeiru sira atu sai hanesan turista sira iha imi nia nasaun rasik, ami ajuda ema tomak atu entende oinsá ami bele sai hanesan anfitriaun di'ak sira ba vizitante sira hosi estranjeiru", nia destaka.

Semone hatete ona katak estratéjia hosi ‘vá para fora cá dentro’ uza daudaun iha mundu tomak, ho limitasaun sira ba viajen sira tanba pandemia COVID-19 obriga área hodi promove, iha nível doméstiku, nia produtu turístiku sira.

"Dezafiu maka hanesan ne'em estimula interese, kria merkadu lokal ho nasional foun ida, motiva ema sira hodi sai no gasta saida maka sira bele iha área turizmu, dolar ida ka dolar rua iha kafé ka dolar atus resin iha viajen ida ba Ataúro hodi halo mergullu", nia refere.

Nia hatete katak efeitu sira hanesan maka'as, envolve negósiu sira ne'ebé iha ligasaun direta maibé mós produtu lokal sira ne'ebé maka fornese hotel sira, restaurante sira ka kafé sira.

Ho populasaun timoroan halo viajen maka'as liu duké antes, kampaña aposta mós iha promosaun hosi ideia "domin ba nasaun liuhosi turizmu" no "orgullu nasional hatudu fatin sira, lala'ok sira, tradisaun sira no destinu sira ne'ebé maka ladún koñesidu".

"Ho 'tag' #hauniatimorleste, ami kria mensajen unifikadu ida hosi merkadu, ne'ebé ema ida-idak bele halo nia kampaña sira maibé iha esforsu hamutuk ida hosi marketing global", nia hatete.

Kampaña inklui viajen sira ho jornalista sira - viajen dahuluk halo ona ba illa Ataúro, ne'ebé maka Lusa hetan ona konviti - no inisiativa oioin iha Setembru hodi selebra Loron Mundial Turizmu nian ho espozisaun ida, mostra ho gala ida ne'ebé sei entrega prémiu sira ba "kampeaun sira" hosi área.

"Susesu depende hosi apoiu hosi área privadu tomak. Ami laiha eskolla, laiha turista sira seluk. Ita tenki konsege atu ema sira ne'ebé iha Timor-Leste gasta liu sira nia osan ne'ebé disponível iha área turizmu", refere hosi Semone.

"Benefísiu sira sei dura aleinde COVID-19, ajuda kria merkadu lokal ho nasional ida, ne'ebé hanesan di'ak ba époka ki'ik, maibé hadi'a kapasidade hosi área ba turizmu internasional", nota mós.

Fonte: Ajénsia Lusa

komentáriu sira