lifestyle

Timor Furak / Le-Ziaval partisipa iha Kolókiu Luzofonia nian iha Açores, Portugal

SAPO TL, 20 de setembru de 2016

  • Foto fó hosi Timor Furak ba SAPO Timor-Leste

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Grupu Timor Furak, hamutuk ho Fundasaun Kultural Le-Ziaval, sei aprezenta Timor-Leste iha Kolókiu Internasional Luzofonia nian ba dala 26 ne'ebé sei hala'o iha Açores, Portugal, entre loron 28 Setembru to'o 02 Outubru 2016. Laureadu na'in rua hosi Timor-Leste ba Nobel Dame nian, Dr. José Ramos-Horta ho Bispu D. Carlos Ximenes Belo, sei partisipa iha kolókiu ne'e nu'udar konvidadu onra nian.

Aleinde apoiu ne'ebé fó hosi emprezáriu timoroan Jorge Serrano no hosi empreza Roti Boy ho eSilva Car Rentals, partisipasaun hosi grupu ne'e hetan mós apoiu hosi Ministériu Turizmu, Arte ho Kultura; hosi Ministériu Komérsiu, Indústria no Ambiente; hosi Gabinete Eis-Titular Prezidente Kay Rala Xanana Gusmão; hosi Sekretariadu Estadu ba Juventude no ba Desportu; hosi Gabinete Eis-Titular Prezidente José Ramos-Horta nian no hosi Gabinete Apoiu ba Prezidénsia Rotativu CPLP nian (GAPR-CPLP).

Tinan ne'e hanoin hikas tinan 20 atribuisaun Nobel Dame nian ba Ramos-Horta no ba Ximenes Belo. Selebrasaun ba tinan 20, iha Timor-Leste, hahú ho Serimónia Solene ida iha Parlamentu Nasional, inklui debate alargadu ida no sesaun temátiku oioin iha área Justisa no Direitu Ema sira nian, Ekonomia no Finansa, Siénsia no Teknolojia no Saúde no Medisina no loron rua hosi Konferénsia sira ho tema "Sidadania, Dame no Moris-Di'ak".

@ SAPO Timor-Leste

komentáriu sira