lifestyle

Timor Furak / Le-Ziaval partisipa iha festival internasional sira folklore iha Grésia

SAPO TL, 07 de agostu de 2017

  • Foto cedida pelo Olívio E. dos Santos

  • Foto cedida pelo Olívio E. dos Santos

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Asosiasaun arte ho kultura Timor Furak no Fundasaun Kultura Le-Ziaval sei reprezenta Timor-Leste iha Festival Internasional Folklore nian, hala'o iha Lefkas, Grésia, entre loron 20 - 24 Agostu 2017. Grupu rua ne'e sei partisipa mós, entre 24 - 30 Agostu 2017, iha no Festival Internasional Folklore "Kyparissia Sunshine", ne'ebé halo iha sidade Kyparissia, iha mós Grésia.

Festival rua ne'e akontese tinan-tinan iha tempu veraun iha Grésia. Sei partisipa mós grupu sira hosi nasaun sira hanesan Jeorjia, Áfrika-Súl, Peru, Brazil, Iraun, Ukránia, Israel, Xina, Vietnam, Malázia, Méxiko, Arménia ho Estónia.

"Ami senti haksolok tanba, ba dala uluk, grupu rua hosi kultura no arte, Timor Furak ho Le-Ziaval, bele hetan oportunidade hodi reprezenta singularidade hosi kultura Timor-Leste nian iha Grésia", hatete hosi Olívio E. dos Santos, kordenador hosi Asosiasaun Arte no Kultura Timor Furak.

Aleinde hetan apoiu hosi Fundasaun Xanana Gusmão no mós hosi organizasaun Lefkas International Folklore Festival rasik, partisipasaun hosi grupu rua ne'e hetan mós apoiu hosi Ministériu Komérsiu, Indústria ho Ambiente timoroan nian; hosi Sekretariadu Estadu ba Juventude ho Desportu; hosi Ministériu Planeamentu no Investimentu Estratéjiku; hosi Sekretáriu Estadu ba Polítika Formasaun Profisional no Empregu, hosi empreza PERTAMINA International Timor no mós hosi Timor Plaza.

@SAPO Timor-Leste

komentáriu sira