lifestyle

Taylor Swift maka famozu ne'ebé hetan osan maka'as, Ronaldo iha fatin dahaat

SAPO TL, 12 de jullu de 2016

  • Taylor Swift

  • One Direction

  • James Patterson

  • Cristiano Ronaldo. Foto: Abedin Taherkenareh/EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantora norte-amerikanu Taylor Swift maka hanesan famozu ne'ebé iha hetan liu osan iha mundu, hatete hosi revista Forbes, ne'ebé tau futebolista portugés Cristiano Ronaldo iha fatin dahaat iha lista ne'ebé fó sai iha loron-tersa ne'e.

Cristiano Ronaldo, ho dolar millaun 88 iha tinan ikus ne'e, hanesan desportista dahuluk iha lista, halakon Lionel Messi, ne'ebé okupa fatin daualuk ho dolar millaun 81,5.

Futebolista sira mosu antes hosi desportista sira seluk hanesan jogador basket ne'ebé koñesidu LeBron James no tenista Roger Federer.

Iha tinan liubá Taylor Swift iha dolar millaun 170 haktuir hosi Forbes. Ho de'it tinan 26, kantora halakon ona lutador boxe Floyd-Mayweather, ne'ebé iha tinan ida liubá iha fatin dahuluk hosi lista ho rendimentu hamutuk dolar millaun 300.

Apoiadu ho tourné ida ne'ebé ho susesu no hosi serbisu sira ho multinasional sira, kantora manán dobru ona iha tinan liubá duké ne'ebé nia hetan iha tinan anterior.

Iha fatin daruak lista nian iha banda múzika One Direction, ho dolar millaun 110 no iha fatin datoluk ho millaun 95 okupa hosi eskritór James Patterson, autor norte-amerikanu hosi romanse polisial sira no hosi suspense.

Pozisaun dahaat okupa hosi Cristiano Ronaldo ne'ebé empata ho aprezentador hosi televizaun norte-amerikanu Phil McGraw.

Iha lista hosi famozu na'in 10 ne'ebé iha liu osan mosu mós norte-amerikanu koñesidu na'in rua hosi rádiu, kómiku Kevin Hart no kantora britániku Adele.

Naran sira hanesan Madonna, AC/DC ka Rolling Stones, ka Rihanna, mosu mós entre naran 20 dahuluk sira, halo nune'e múzika maka'as liu duké sinema. Dwayne Johnson hanesan atór ne'ebé hetan liu osan iha tinan liubá no okupa pozisaun 19 no Jennifer Lawrence, atrís ne'ebé hetan liu osan, okupa fatin 49.

Iha lista tinan ne'e Floyd Mayweather tuun fatin sanulu resin no Manny Pacquiao (hanesan mós lutador boxe nian), ne'ebé iha tinan liubá okupa fatin daruak, tinan ne'e la tama entre famozu na'in 100 ne'ebé hetan liu osan.

ho Lusa

komentáriu sira