lifestyle

Supremu tribunal indianu deskriminaliza relasaun homoseksuais

Sapo TL, 06 de setembru de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Sepremu Tribunal Uniaun Indiana anula, iha loron-kinta ne'e, lei ida ne'ebé kastigu dezde époka kolonial relasaun sira entre ema sira ne'ebé ho seksu hanesan. Kastigu sira bele too tinan 10 iha prizaun.

Iha loron-kinta ne'e, Supremu Tribunal India nian hasai tiha kastigu ba relasaun seksuail entre ema sira ho seksu hanesan. Desizaun ne'e istórika ba nasaun ne'e no tau fin ba proibisaun dezde sékulu XIX.

Hafoin tinan hat despenalizasaun ne'e, nasaun ne'e konsidera fali iha tinan 2013 katak homoseksualidade hanesan krimi ida. Iha Índia, relasaun seksual sira entre ema ne'ebé ho seksu hanesan bele hetan kastigu too tinan sanulu iha prizaun.

Desizaun tribunal nian hanesan konsekuénsia hosi petisaun ida ne'ebé asina hosi ema na'in lima ne'ebé deklara katak moris iha tauk nian laran katak bele preza no preseguida hosi polisia.

Desizaun unánime

Iha tinan 2009 Tribunal Nova Deli nian dekreta inkonstitusionalidade sesaun 337 lei nian, ne'ebé hatudu katak relasaun seksual entre ema ho seksu hanesan kontra "ordem natural".

Agora ne'e, Supremu Tribunal India nian konsidera ilegal, ho forma unánime, artigu kodigu penal ne'ebé kondena relasaun seksual sira entre ema ho seksu hanesan.

"Lei muda tiha ba arma kontra komunidade LGBT", defende prezidente Supremu Tribunal, Dipak Misra, sita hosi AFP.

"Naran relasaun seksual ida konsensual entre ema boot na'in rua - homoseksual, heteroseksual ka lésbika - labele konsidera inkonstitusional".

Fonte: Ajénsia Lusa

komentáriu sira