lifestyle

Símbolu sira hosi illa-prizaun Ataúro, maioria protestante iha katóliku Timor-Leste

SAPO TL, 22 de jullu de 2020

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Fatuk kuadradu ki'ik tolu, kuaze taka ho duut, hanesan restu hosi símbolu ida hosi símbolu sira hosi istória trájiku liu hosi illa timoroan Ataúro nian, uza hanesan 'kadeia' hosi ema portugés sira, japunés sira ho indonéziu sira.

Bainhira la'ós plaka ne'ebé marka "Kadeia Antiga", fatin ne'ebé liu ema rihun resin kuaze la nota iha sentru Vila Mau-Meta, fatin prinsipal hosi illa nian, lokalizadu iha kilómetru 30 resin hosi norte Díli.

Edifísiu prinsipal sira hosi kadeia lakon ona no fatuk kuadradu sira marka de'it saida maka uluk hanesan kadeia subteráneu, "Rai Kuak" sira: fatin ne'ebé tauk prizioneiru balun.

Antes, liuhosi fatin ne'e, ema deportadu sira hosi Portugal ho eis-kolónia portugés sira nian, hafoin ne'e desportadu sira ne'ebé haruka hosi forsa japunés sira ne'ebé okupa Timor-Leste durante Fundu Mundial Daruak no, ikusmai, deportadu sira ne'ebé haruka durante okupasaun indonéziu iha teritóriu.

Grupu ikus ne'e - "deportadu sira Ataúro nian iha 1980-1987” - ohin loron rekorda iha monumentu ida ho fatuk ne'ebé maka kruza bandeira rua (Timor-Leste nian ho Fretilin nian) no fraze ne'ebé deklara katak "izolamentu Ataúro nian la hamate espíritu rezisténsia nian ho libertasaun nasional nian".

Augusto Barbosa, toos-na'in, ho tinan 60, no ne'ebé hela besik monumentu, konta katak fatin ne'e kompleta iha tinan 2017, maibé "seidauk inaugura", no iha konversa ida ho Lusa rekorda momentu sira istória hosi illa-prizaun nian.

"Hamutuk rihun resin, karik to'o ema rihun 10 ne'ebé maka indonéziu sira haruka mai iha ne'e hosi munisípiu oioin Timor-Leste nian", nia esplika.

"Hanesan ema sira ne'ebé rende ba okupasaun indonéziu no ne'ebé maka lori mai ho sira nia família hodi labele kontakta ho rezisténsia", nia hatete.

Moris todan iha illa izoladu, populasaun sira moris iha momentu susar sira ho deportadu sira, ho moras ho falta hahán, kastigu sira ho tortura sira.

"Mate ema na'in 10 loron-loron. Laiha hahán no kondisaun sira hanesan aat. Ema sira hetan kastigu ho tortura", nia rekorda no esplika katak prezensa militar indonéziu iha illa hahú liutiha semana ida hafoin invazaun Díli nian, iha loron 07 Dezembru 1975, no hotu de'it iha Outubru 1999.

Maioria fila ba sira nia zona, liuliu hafoin intervensaun, entre sira seluk, hosi eis-governador Mário Carrascalão nian, maibé barak maka hela, halo aumenta populasaun iha illa, ne'ebé pasa "karik na'in 1.500" antes invazaun, ba millaun resin - ohin loron hamutuk entre rihun 12 ho 13.

Minutu balun hosi viajen - iha estrada sira ne'ebé nakonu ho fatuk ho rai iha 'tuk-tuk' ida ne'ebé maka tama iha tinan hirak ikus ne'e iha illa - iha símbolu seluk ida hosi natureza espesial Ataúro nian, illa ida ne'ebé maioria hosi populasaun hanesan protestante no ne'ebé katolisizmu to'o de'it, formalmente, iha Jullu 1951, bainhira sarani grupu dahuluk ho ema na'in 21.

Monumentu "ikan ho paun" rekorda batizmu ne'ebé halo hosi "Padre Hornai", liutiha tinan balun hafoin katesizmu to'o iha illa ne'ebé influénsia relijiozu dahuluk, ne'ebé hahú dékada rua antes, maka protestantizmu, hanoin katak lori hosi kalvinista holandeza sira hosi illa viziñu indonéziu Alor.

Hahú hosi grupu dahuluk sarani ne'e nian, halo parte Abílio Santos ne'ebé, tuir nia oan-mane konta, mate ona iha loron balun liubá, "ho tinan entre 80 no 90, laiha ema ida hatene loloos", simu batizmu bainhira kompleta tinan 69.

"Monumentu ne'e marka entrada hosi katolisizmu iha Ataúro. Agora iha ema katóliku tan maibé maioria sei hanesan protestante", esplika hosi João Santos, tinan 39.

Januário de Araújo, monitor hosi katekeze dezde tinan 1969 no profesor hosi ensinu báziku iha Vila Mau-Meta, hatete katak informasaun atualizadu sira: iha tinan 2018, nia esplika ba Lusa, katak iha ema protestante na'in 6.300 resin no ema katóliku na'in 4.700 resin.

"Karik aumenta oituan", nia kalkula.

Ho detalle esplika entrada hosi katolisizmu iha illa - kuaze tinan 500 liutiha hafoin to'o iha illa Timor, "istória naruk" ida ne'ebé hahú ho administrador ida ne'ebé tebe, to'o mate, mane ida ne'ebé moras ne'ebé maka labele ba servisu hodi harii estrada sira.

Maibé ikusmai iha mós relasaun ho entrada hosi deportadu sira durante okupasaun japuneza - "mai ema na'in 3.000 resin" - no responsável sira hosi dioseze Díli nian, liuliu hosi parókia Balide, hahú tenta promove katekeze iha Ataúro.

"Katekeze hahú fó iha tinan 1949 nia rohan, maibé batizmu dahuluk halo ba ema na'in 21, mane na'in haat no feto na'in 17", esplika hosi profesor ne'ebé hahú estuda iha Ataúro, kompleta ona klase dahaat iha Maliana, súl Díli nian, no ikusmai halo tinan tolu ikus iha Semináriu Nossa Senhora de Fátima, iha Dare, besik kapital timoroan.

Nia esplika katak ohin loron komunidade relijiozu rua "fó di'ak malu".

Memória sira ho monumentu sira ne'ebé rekorda sira hanesan atrativu balun hodi vizita iha illa ne'ebé ohin loron hanesan fatin ida ho potensialidade turístika boot Timor-Leste nian.

Kona-ba kestaun ne'e no dezenvolvimentu iha futuru, Augusto Barbosa hanesan nonook, rekorda katak Ataúro, tuir loloos, iha estatutu hosi 'zona espesial' harii ho enklave Oecusse-Ambeno halo parte iha projetu Zona Espesial sira Ekonomia Sosial Merkadu Timor-Leste nian.

"Ami hanesan zona espesial ida no ami agredese tebes atu akontese lalais duni hodi ami bele goza independénsia", nia esplika.

"Ami iha nafatin susar sira. Falta bee, eletrisidade, estrada sira, ema sira saúde nian no kondisaun ekonómiku di'ak sira", nia esplika no husu tan medida sira hodi dezenvolve agrikultura, peska ho turizmu iha rejiaun.

*** Lusa halo viajen ba Ataúro tanba konviti hosi programa Tourism for All hosi USAid, iha ámbitu hosi asaun promosaun turizmu doméstiku nian #HauNiaTimorLeste ***

Fonte: Ajénsia Lusa

komentáriu sira