lifestyle

Sei halo estátua Prinseza Diana nian iha Londres hafoin tinan 20 nia mate

SAPO TL, 30 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prínsipe William ho nia alin-mane Harry haruka ona, iha loron-domingu, hodi harii estátua ida ba sira nia inan, prinseza Diana, iha Londres, bainhira besik ona loron hodi hanoin hikas sira nia inan nia mate iha asidente karreta ida, iha Paris, iha tinan 20 liubá.

Estátua ne'e sei harii iha palásiu Kensington nia liur, ne'ebé hanesan "Lady Di" nia rezidénsia antigu, ne'ebé agora daudaun hanesan uma hosi prínsipe William, nia feen Kate ho oan na'in rua George ho Charlotte.

"Liutiha ona tinan 20 dezde ami nia inan nia mate no to'o ona momentu atu hetan rekoñesimentu, ho estátua ida, influénsia pozitivu ne'ebé nia halo iha Reinu Unidu no iha mundu", deklara hosi prínsipe na'in rua iha komunikadu ida.

Tuir komunikasaun sosial britániku sira nian katak liurai-feto Isabel II apoia projetu ne'e.

Estátua ne'e sei hanesan monumentu dahaat iha Londres ne'ebé dedika ba prinseza Diana no sei halo besik fonte komemorativu prinseza nian ne'ebé harii iha Hyde Park.

Prinseza Diana, nia akompaña Dodi Al-Fayed no motorista Henri Paul mate iha loron 31 Agostu 1997 iha asidente karreta ida nian iha tunel ida iha ponte Alma, iha Paris.

ho Lusa

komentáriu sira