lifestyle

Sara Tavares ho Assunção Cristas iha eventu sira kona-ba feto iha Timor-Leste

SAPO TL, 24 de maiu de 2018

  • Sara Tavares

  • Assunção Cristas

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Kantora Sara Tavares, líder CDS nian Assunção Cristas ho ministra angolana Ana Paula Carvalho hanesan partisipante balun ne'ebé destaka iha eventu oioin relasionadu ho feto nia knaar, ne'ebé maka promove hosi Uniaun Europeia iha fulan-Juñu iha Timor-Leste.

Ho tema "Feto forte sira ba nasaun ida forte", eventu sira inklui konferénsia ida loron rua no konsertu gratuitu ida iha Sentru Konvensaun Díli nian, ne'ebé sei iha atuasaun hosi Sara Tavares, artista timoroan Cidália Brites ho DJ Merche Romero.

Iha konferénsia ba loron rua sei partisipa mós hosi juíza brazileira Sandra Silvestre, ministra Ordenamentu Teritóriu ho Urbanizmu Angola nian, Ana Paula Carvalho, juiza konselleira hosi Tribunal Rekursu timoroan, Natércia Gusmão, ministru Justisa timoroan, Ângela Carrascalão ho visi-ministra Edukasaun, Lurdes Bessa, no konvidadu sira seluk.

Eventu sira promove hosi Delegasaun hosi Uniaun Europeia iha Díli, entre loron 07 no 09 fulan-Juñu, akontese iha tempu hanesan ho pakote ida hosi eventu sira ne'ebé promove hosi Embaixada Portugal, Institutu Camões no Aicep relasionadu ho Loron Portugal nian.

Embaixador hosi Uniaun Europeia (UE) iha Díli, Alexandre Leitão, esplika ona ba Lusa katak inisiativu ne'e halo parte iha esforsu sira hodi promove igualdade hosi tratamentu no oportunidade sira entre mane sira ho feto sira.

Nia esplika katak konferénsia hanesan oportunidade hodi ko'alia kestaun importante sira hanesan problema violénsia hasoru feto sira maibé mós hodi "afirma importánsia hosi kontributu feto nian ba dezenvolvimentu sosio-ekonómiku sustentável Timor-Leste nian".

"Timor-Leste iha, dezde restaurasaun ba independénsia total, rejistu demokrátiku di'ak ida iha rejiaun no halo esforsu maka'as ida iha área direitu ema sira nian. Maibé, desekilibriu jéneru ho kestaun espesífiku hosi violénsia doméstika hanesan problema boot ne'ebé presiza empeñu koletivu ida ba nia tratamentu", nia hatete.

Prezidente Repúblika, Francisco Guterres Lu-Olo, prezidi iha loron 08 Juñu ba abertura hosi konferénsia, ne'ebé halo iha auditóriu hosi Ministériu Planu ho Finansa nian no sei iha sesaun temátika boot tolu.

Assunção Cristas, prezidente hosi CDS, prezidi no modera sesaun dahuluk kona-ba "kontestu ho obstákulu sira ba afirmasaun feto nian iha sosiedade" no sei partisipa mós hosi Hergui Alves, prezidente hosi Asosiasaun Emprezarial Feto sira Timor-Leste nian, madre Guilhermina Marçal, madre superior hosi Misionária Canossiana sira iha Timor-Leste ho Lurdes Bessa.

Natércia Gusmão sei modera painel daruak kona-ba kauza sira, efeitu sira no dalan sira hodi kombate violénsia hasoru feto sira, susar boot ida hosi sosiedade timoroan nian.

Sesaun ida, moderadu hosi Ângela Carrascalão, hakarak fó koñese "kazu inspiradora sira" hosi feto sira ho partisipasaun hosi timoroan Berta Montalvão, administradora hosi empreza sira, irmã Cristina Macrino, ne'ebé halo serbisu humanitáriu iha Timor-Leste ho ministra hosi Angola, Ana Paula Carvalho, ne'ebé nia kareira destaka iha área ida ne'ebé baibain kaer hosi mane sira.

ho Lusa

komentáriu sira