lifestyle

Sabor, knananuk ho debate iha programa "Sentir Portugal" iha Timor-Leste

SAPO TL, 28 de maiu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Feira livru ida no feira sabor ida, konsertu sira ho debate oioin ho empreza portugeza sira ne'ebé ativu iha Timor-Leste hanesan elementu sentral sira hosi programa "Sentir Portugal" ne'ebé selebra iha Díli, iha fulan-Juñu, Loron Portugal nian.

Eventu oioin, ne'ebé promove hosi Embaixada Portugal nian iha Díli no hosi Ajénsia ba Investimentu ho Komérsiu Externa Portugal nian (AICEP) hahú iha loron 07 Juñu ho feira livru ida no atuasaun hosi grupu folklóriku hosi Eskola Portugeza Ruy Cinatti iha Timor Plaza, sentru komersial boot iha Díli.

Iha loron hanesan iha inísiu siklu debate ida ho empreza portugés sira, foka iha tema sira hanesan kontributu hosi empreza sira ba Timor-Leste, papel sira hosi arte sira ho kultura no oportunidade sira negósiu nian iha nasaun.

Iha loron-sesta iha atuasaun hosi Koru Eskola Portugeza Ruy Cinatti no hosi Grupu dansa Timor Furak ho lian portugés sira hodi marka "Happy Hour" ida dedikadu ba Portugal ho atuasaun hosi grupu portugés Virgem Suta no luzu-timoroan "Será que vai dar certo".

Eventu sira kontinua iha loron-sábadu ho merkadu sabor ida no espozisaun hosi koperasaun portugeza, antes debate ida ho tema "Portugal visto por timorenses".

Iha loron 10 Juñu rasik, selebrasaun sira inklui lansamentu hosi Casa de Portugal, iha Sentru Kultural Portugés Díli nian, hosi Embaixada Portugal.

Eskola Portugeza Ruy Cinatti simu komemorasaun ofisial sira ho resepsaun no konsertu ida hosi Virgem Suta.

Fonte: Agência Lusa

komentáriu sira