lifestyle

Roman furak hosi Budapeste

SAPO TL, 09 de fevereiru de 2016

Fotógrafo Mark Mervai durante tinan lima nia laran buka hela furak hosi Budapeste, kapitál Hungria. Nomós buka momentu di’ak ida hodi hasai fotografia ba fatin ne’ebé durante ne’e nia gosta no atu husik hanesan memória rekordasaun ida hosi sidade istórika no furak ne’e.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Tuir saida maka fotógrafo ne’e konta ba Bored Panda, bainhira Loro-matan sa’e maka sai nu’udar momentu furak hosi sidade refere.

“Ida ne’e maka momentu furak liu. Loro-matan hahú sa’e no loron hahú ho furak”, enia esplika.

Momentu seluk ida mos maka bainhira Loro-matan tuun.

“Bainhira loro-matan hahú tuun, hanesan mos símbolu hosi momentu espesiál ida. No ida ne’e nu’udar natureza ikus hosi loron ida nian”, nia dehan.


Mervai dehan katak buka momentu rua ne’e hanesan dezafiu bot ida iha ninia moris. Depois maka nia sei fahe momentu hirak ne’e ho ninia belun, no ikus mai fahe mos ba ema seluk.

“Natureza ninia furak no roman maka sai hanesan prezente bot hosi Rai ba ita ema. Buat hirak ne’e lapresija liafuan, somente imajen de’it maka bele hateten kona-ba sira-ninia furak”, hakotu

SAPO TL ho Lusa

komentáriu sira