lifestyle

Rede sosial aumenta 30% iha 2016 iha Timor-Leste no hanesan fonte boot informasaun nian

SAPO TL, 07 de fevereiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Uzu hosi rede sosial sira iha Timor-Leste aumenta ona ba 30% iha tinan ikus ne'e, to'o utilizador hamutuk rihun 400 - 1/2 hosi populasaun -, barak liga hosi telemóvel sira, haktuir hosi informasaun hosi empreza timoroan ida nian.

Informasaun sira ne'e hanesan rezultadu hosi fonte oioin ne'ebé empreza Timor Social halibur, empreza ne'ebé serbisu iha dezenvolvimentu estratéjia sira komunikasaun nian iha rede sosial sira.

Tuir Timor Social, númeru hosi utilizadór sira hosi rede sosial sira, liuliu hosi Facebook, ohin loron hanesan boot duké "televizaun, rádiu ho jornal sira hamutuk".

Kuaze timoroan tomak ne'ebé uza Internet, besik rihun 400 (ka 33% hosi populasaun ne'ebé hamutuk millaun 1,22) iha perfil ativu iha rede sosial sira, ho destake ba Facebook ne'ebé iha utilizador hamutuk rihun 400 iha Timor-Leste.

Nasaun iha ativu hamutuk millaun 1,56 ba númeru telemóvel sira no utilizadór ativu hamutuk rihun 380 iha rede sosial sira liuhosi telemóvel.

Tuir Timor Social, 95% hosi utilizadór sira Facebook nian uza telemóvel sira hodi tama iha rede, 40% uza Facebook loron-loron, perfil mane sira hamutuk 63% no feto sira hamutuk 38%.

ho Lusa

komentáriu sira