lifestyle

Putin fó sidadania rusu ba atór Steven Seagal

SAPO TL, 03 de novembru de 2016

  • Steven Seagal & Vladimir Putin

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prezidente Rúsia asina ona dekretu ida ne'ebé fó sidadania rusu ba antigu atór koñesidu hosi filmi asaun nian.

Steven Seagal hanesan selebridade ida ne'ebé maka simu foin lalais ne'e sidadania rusu.

Informasaun ne'e fó sai hosi Kremlin, ne'ebé konfirma ona katak Prezidente Vladimir Putin asina ona dekretu ida hodi fó distinsaun ba espesialista iha arte marsial sira ne'ebé iha ona koñesimentu nu'udar estrela hosi filmi sira asaun nian hosi Hollwyood entre tinan 1988 no 1996, antes sai despromovidu ba produsaun sira ne'ebé lansa diretu iha vídeo.

Hanesan jéneru daruak ne'ebé maka simu iha tinan ne'e tanba autoridade sira hosi Sérvia halo asaun hanesan bainhira loke eskola ida arte marsial sira nian iha kapital Belgradu.

Iha tinan 2013, Putin hato'o ona proposta katak Seagal nomeadu ba konsul honoráriu Rúsia nian iha estadu sira Califórnia ho Arizona, maibé autoridade norte-amerikanu sira rekuza tiha. Seagal nia avó-feto mai hosi Vladivostok, situa iha estremu oriente Rúsia nian.

Liutiha tinan ida tuirmai, atór apoia ona "reivindikasaun sira ne'ebé razoável tebes" hosi nasaun ne'e iha Krimeia, ne'ebé antes pertense ba Ukránia.

Seagal ne'ebé hanesan prezidente rusu nia belun, ne'ebé konsidera nia hanesan "líder mundial boot" ida, tama nune'e ba grupu ida hosi figura públika sira ho nasionalidade rusu ne'ebé inklui atór fransés Gérard Depardieu, pujilista Roy Jones, lutador MMA Jeff Monson no pratikante hosi snowboard Vic Wild, ema sira ne'e hanesan ema amerikanu hotu.

Ho tinan 64, Steven Seagal halo ona filmi sira hanesan "Above the Law" (1988), "Under Siege" (1992-1994) e "Executive Decision" (1996).

Fonte: SAPO Mag

komentáriu sira