lifestyle

Prínsipe William ko’alia kona-ba difikuldade ne’ebé nia hasoru bainhira sai ona aman

SAPO TL, 22 de novembru de 2016

Kate Middleton ninia la’en dehan katak, bainhira husik moris klosan hodi sai nu’udar ema kaben-na’in nomós aman ba oan rua, la’os tranzisaun ida ne’ebé fásil.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Paternidade la’os prosesu ne’ebé fásil, nune’e mos ba prínsipe ida. Iha dada-lia ida ho programa TV durante ninia vizita bá Vietname, William dehan katak bainhira nia sa’i ona aman, nia sente “emosionál” no tauk.


“Iha buat barak maka di’ak no iha mos buat barak maka ladi’ak. Ida ne’e hanesan mudansa bot ida”, tenik monarka ho tinan 34 ne’e.


“Sorte tebes, tanba ha’u hetan apoiu hosi Catherine, nia hanesan ida ida nomós fen ne’ebé maravillaoza”, hatutan William.


Maski nune’e, beioan hosi Isabel II nian ne’e mos, lahaluha fó sai momentu komplikadu hirak ne’ebé nia hasoru.

“Ha’u hasoru ona momentu ne’ebé difisil. Iha diferensa entre mane independente no klosan ida, ho mane ne’ebé kaben no iha oan ona, no ida ne’e maka mudansa bot ida ba moris”, nia dehan.

“Ha’u hadomi ha’u-nia oan sira no ha’u mos aprende buat barak kona-ba ha’u-aan nomós kona-ba ha’u-nia família”, nia hatutan liu tan.


Ikus liu, William hateten kona-ba George, ho tinan tolu, hanesan “labarik ida ne’ebé nakar” tanba ne’e tenke “labele husik nia mesak” (maski hadomi), ba Charlotte, maka lahanesan.

“Ha’u laiha feton, tanba ne’e maka bainhira iha oan feto, ha’u sente oinseluk. Ha’u aprende oinsá oan feto ida iha família ninia leet”, nia hakotu.


SAPO TL ho SAPO Lifestyle

komentáriu sira