lifestyle

Prínsipe sira Suésia nian sei halo dezeñu kolesaun ba H&M

SAPO TL, 16 de dezembru de 2016

  • Foto@ Ian Langsdon / EPA

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Parseria, konfirma iha semana ne'e hosi marka sueka, sei konsisti iha liña ida ropa desportivu ba labarik sira. Lansamentu hanoin halo ona ba inísiu tinan oinmai.

Prínsipe sira Suésia nian besik atu sai nu'udar designer sira. Tuir tabloit sueku Expressen, Victoria ho Daniel sei hamutuk ho marka koñesidu hosi fast-fashion sueku H&M ba lansamentu hosi liña ropa ida, asesóriu sira no sapatu desportivu ne'ebé sei halo espesial tebes ba labarik ki'ik sira.

Parseria ida ne'ebé iha tebes sentidu tanba Prínsipe Daniel uluk serbisu ona hanesan personal trainer no hanesan na'in hosi gináziu sira Master Training y Balance. Kolesaun ne'e sei halo hamutuk ho GEN-PEP, organizasaun ida ne'ebé lahó finalidade lukrativu ne'ebé lansa hosi prínsipe sueku sira hodi promove konsiensializasaun maka'as ida kona-ba saúde labarik sira nian.

"Objetivu ne'e maka halo produtu sira ne'ebé furak no funsional no hanesan asesivel, ne'ebé atrai labarik sira no motiva sira hodi hili estilu moris ida ne'ebé ativu liu", afirma hosi porta-vós H&M nian iha deklarasaun sira ba tabloit sueku Expressen, ne'ebé haktuir hosi revista Hello, ne'ebé agradese tebes ba kolesaun ne'ebé idealiza hosi Victoria ho Daniel. Ropa sira, ne'ebé sei ko'a ho laser, sei iha detalle sira ho refletór sira no kór osan-mutin.

Kolesaun, ne'ebé nia lansamentu hanoin ona ba fulan-Janeiru 2017, sei disponível online no iha loja fíziku sira marka nian, no hein katak nia folin sira sei hanesan asesivel.

Fonte: SAPO Lifestyle

komentáriu sira