lifestyle

Prínsipe Harry ho Megan Markle hakarak mantén privasidade iha bebé nia moris

SAPO TL, 11 de abril de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prínsipe Harry ho nia feen, Meghan Markle, hakarak mantén "privasidade" iha bebé nia moris, ne'ebé sei akontese iha fulan ne'e, anunsia hosi Palásiu Buckingham iha komunikadu ida.

Prínsipe Harry hatán ho dalan ne'ebé la hanesan ho nia maun, prínsipe William, no nia feen, Kate Middleton, ne'ebé aprezenta kedas sira nia oan na'in tolu ba komunikasaun internasional sira bainhira sira moris.

"Duke ho dukeza Sussex agradese tebes ba saudasaun sira ne'ebé sira simu hosi mundu tomak bainhira prepara hela simu sira nia kosok-oan", hakerek iha komunikadu.

"Alteza real sira foti ona desizaun hodi mantén preparativu privadu sira ba bebé nia moris", hatutan hosi palásiu hodi observa katak duke sira sei fahe notísia moris nian no sei "selebra iha privadu no hamutuk ho família".

Tuir meiu komunikasaun britániku sira, dukeza Sussex hakarak halo partu iha uma, la tuir mune'e tradisaun katak labarik real sira moris iha fatin privadu ida iha Hospital St. Mary, iha Londres.

Duke sira hosi Sussex agora daudaun hela iha Palásiu Kensington no karik sei muda ba uma ida iha aldeia iha Windsor, kilómetru 40 resin hosi oeste Londres nian, loron balun hafoin sira nia oan dahuluk moris.

Fonte: Ajénsia Lusa

komentáriu sira