lifestyle

Prínsipe Harry fó sai fatin ne'ebé nia senti di'ak

SAPO TL, 04 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Iha entrevista ida ba Town & Country, prínsipe afirma ona katak Áfrika hanesan fatin ida ne'ebé nia senti livre duni.

Prínsipe Harry bele pertense ba família real britániku, maibé, la'ós iha Inglatera maka nia senti di'ak liu. Fatin ne'ebé nia gosta tebes duni maka iha Áfrika, fatin ida ne'ebé nia vizita beibeik no nia dalabarak halo serbisu durante tinan 20 ikus ne'e.

Nia vizita dahuluk halo iha tinan 1997, hafoin nia inan nia mate, hamutuk ho nia aman, prínsipe Carlos no nia maun, William. Ideia, iha tempu ne'ebá, maka tenta "hamoos" oituan trajédia iha ulun. No iha duni rezultadu tanba agora, tinan-tinan, Harry halo viajen ba fatin ne'e.

"Ha'u nia aman hatete ba ha'u nia maun no ha'u hodi ami haloot mala - ami ba Áfrika hodi ami hadook aan hosi buat hotu", nia esplika iha entrevista ba Town & Country. "Ami boot iha ár livre. Ami apresia natureza no buat hotu ne'ebé nia iha. Iha-ne'e [Áfrika] hanesan fatin ida ne'ebé ha'u senti di'ak tebes duké fatin ruma iha mundu", nia hatutan.

Ba Harry, kontaktu ho natureza hanesan importante, ne'e, aleinde bele sai 'livre': "Ha'u hakarak pasa tempu barak iha Áfrika", nia hatete. "Iha-ne'e ha'u iha sensasaun relaxamentu no normalidade. Tanba la hanesan rekoñesidu", nia hatutan.

Nia subliña katak viajen ne'ebé Harry halo foin lalais ne'e maka vizita Malawi no partisipa iha asaun ida lahó final lukrativu ne'ebé iha objetivu proteje elefante hamutuk 500.

Fonte: NM

komentáriu sira