lifestyle

Prinseza Diana nia karta fa'an iha leilaun ho folin kuaze euro 18.000

SAPO TL, 06 de janeiru de 2017

  • Princesa Diana (1997) em Londres. Foto@ Gerry Penny

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Karta neen ne'ebé maka prinseza Diana haruka ba governante ida hosi palásiu Buckingham, ne'ebé nia hakerek kona-ba entuziasmu hosi nia oan-mane William hafoin Harry nia moris, fa'an iha leilaun, iha loron-kinta, ho folin kuaze euro 18.000, fó sai iha notísia hosi BBC.

Karta manuskritu sira, ne'ebé haruka iha dékada 1980 no 1990 ba Cyril Dickman, ne'ebé uluk serbisu iha palásiu Buckingham durante tinan 50 nia laran, hatudu oituan oinsá prinseza nia moris no nia família nia moris iha palásiu Kensington no konstitui "kolesaun úniku ida hosi memória loloos ida", hatete hosi leiloeira Cheffins, ho sede iha Cambridge.

Iha karta balun hosi karta sira ne'e, haruka liutiha loron lima hafoin Harry moris, iha fulan-Setembru 1984, prinseza Gales hatete katak moris hela iha "períudu ida ne'ebé ksolok tebes".

"William adora nia nia alin-mane ki'ik no pasa tempu halo festa ba nia alin-mane no re'in nia, halo susar aman-inan sira hodi hakbesik ba nia alin-mane", hakerek hosi herdeiru koroa britániku, prínsipe Carlos, nia feen iha karta ne'ebé fa'an ho folin libra 3.200 (euro 3.700), hanesan aas liu duké estimativu ne'ebé halo antes ba lisitasaun.

"Ema ki'ik ne'e nia moris halo mudansa ba ami nia moris no ha'u iha susar hodi dada iis ho kuantidade ai-funan sira ne'ebé entrega iha-ne'e", konfidensia hosi prinseza britániku ne'e ba governante ne'ebé apoia prinseza iha situasaun sira por ezemplu bainhira prinseza nia aman mate iha tinan 1992.

Iha fulan-Outubru 1992, prinseza hakerek karta seluk ida antes halo viajen ho Carlos ba Ázia.

"Labarik sira di'ak hela no gosta tebes eskola, maski Harry hetan beibeik kastigu", prinseza hatete no hatutan: "Iha fulan-Novembru ami ba halo vizita ida iha Koreia-Súl, fatin di'ak ida hodi halo kompras Natal nian!".

Ho folin ne'ebé kalkula entre libra 600 no 900, karta hetan ona ema ida ne'ebé sosa ho folin libra 2.400 (euro 2.800).

Leilaun inklui sasán hamutuk 40, entre sira, aleinde karta sira, iha mós fotografia sira no karta sira agradesimentu nian ne'ebé pertense ba governante. Konjuntu hosi lote sira hetan ona libra 55.000 (euro 64.000).

ho Lusa

komentáriu sira