lifestyle

Pizzaria antigu liu iha mundu iha besik tinan 200 no situa iha Nápoles

SAPO TL, 30 de novembru de 2016

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hanesan buat barak ne'ebé lakon iha memória tempu nian, la hatene loloos sé maka inventa pizza. Maibé iha lia-loos ida: pizzaria antigu liu iha mundu loke iha tinan 1830 no kontinua funsiona iha Nápoles.

Agora daudaun ita konsidera katak pizza hanesan elementu fundamental ida hosi hahán italianu nian. No sira maka hatene halo liu, ne'e laiha dúvida ida. Maibé, nia orijen sei nakonu ho mistériu.

Ema balun hatete katak inventa iha Ejiptu, ho kahur dahuluk fariña sira ho bee, iha ema balun ne'ebé fiar katak inventa iha Grésia. Balun hatete mós katak liuhosi Cruzada sira maka pizza to'o iha portu Nápoles nian no nune'e maka hábitu ne'e hela iha ra'i ne'e.

To'o agora hahán ne'e sai hanesan hahán ida ne'ebé apresiadu liu iha mundu. No, tuir rejistu ofisial sira, Antica Pizzeria Port’Alba maka hanesan pizzaria antigu liu iha mundu.

Istória fa'an pizza nian, iha Nápoles, hahú iha tinan 1738 ho komersializasaun hosi hahán ne'e iha tenda sira, kompara hanesan food truks sira iha tempu uluk, ne'ebé fa'an pizza ba sé maka liu iha estrada. Maibé iha de'it tinan 1830 maka Antica Pizzeria Port’Alba loke odamatan iha Nápoles no mantén to'o loron ohin.

Aleinde hanesan pizzaria antigu liu iha istória restaurasaun nian, kontributu hosi restaurante ne'e barak tebes.

Iha tinan 1889, pizzaiolu Raffaele Esposito, ne'ebé serbisu iha Antica Pizzeria Port’Alba, hetan konviti hodi ba palásiu real italianu hodi halo pizza tolu ba liurai-mane Umberto no liurai-feto Margherita de Sabóia. Pizza ida ne'ebé nia halo hanoin iha kór sira bandeira italianu nian (mean, mutin ho matak), ho tomate, keju mozzarella ho manjerikaun. Liurai-feto gosta tebes kombinasaun ne'e no liurai-feto rasik maka sarani pizza ne'e ho nia naran: pizza Margherita.

Fonte: SAPO Lifestyle

komentáriu sira