lifestyle

Pasaporte portugés okupa pozisaun haat hosi sira ne'ebé poderozu liu iha mundu

SAPO TL, 10 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Dokumentu viajen portugés tama iha pozisaun haat hosi ranking Passport Index 2017, ne'ebé kontabiliza iha nasaun hira maka bele tama de'it ho pasaporte.

Tuir Passport Index 2017, dokumentu portugés tama entre dokumentu sira ne'ebé di'ak liu iha mundu, hamutuk ho pasaporte sira hosi Itália, Béljika, Luxemburgu, Áustria, Holanda no Japaun. Ho pasaporte sira ne'e iha posibilidade tama iha nasaun 154 lahó vistu.

Pasaporte alemaun okupa fatin dahuluk (bele tama iha nasaun 157 lahó vistu), tuir iha pozisaun daruak Singapura ho Suésia (tama iha nasaun 156). Iha fatin datoluk okupa hosi Dinamarka, Finlándia, Fransa, España, Suisa, Noruega, Inglatera ho Estadus Unidus (tama iha nasaun 155).

Iha tinan liubá, pasaporte portugés halo ona parte entre pasaporte sira di'ak liu iha mundu, ho baze hosi índise Henley & Partners nian.

Entre pasaporte sira ne'ebé fraku liu ka sira ne'ebé permiti entrada livre ho vistu iha nasaun balun de'it maka: Síria (tama iha nasaun 29), Irake (tama iha nasaun 28), Pakistaun (tama iha nasaun 26) ho Afeganistaun (tama iha nasaun 23).

Haree ranking hosi Passport Index de 2017 iha link ne'e.

Fonte: SAPO Viagens

komentáriu sira