lifestyle

Obama sei dedika ba projetu edukativu sira bainhira husik White House

SAPO TL, 12 de outubru de 2016


  • Antes husik Sala Oval, Barack Obama desidi organiza festiva boot ida ho tema oioin. South by South Lawn hala'o iha loron-segunda ne'e, 03 Outubru, iha White House, no iha sesaun oioin sinema, konsertu sira, debate sira no área interativu sira. Fonte: SAPO Mag

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Prezidente Estadus Unidus nian, Barack Obama, fó sai ona iha loron-tersa katak, bainhira husik White House, iha loron 20 Janeiru, sei dedika tempu barak ba inisiativu edukativu sira ho labarik sira, hanesan "My Brother's Keeper" ka "Let Girls Learn".

Obama partisipa ona iha fórum estudante ida ne'ebé organiza hosi kanal televizaun ESPN iha Universidade Agríkola no Tékniku hosi estadu Carolina-Norte. Estudante ida ne'ebé partisipa iha fórum ne'e husu ona ba Obama kona-ba nia atividade bainhira husik prezidénsia.

"Ha'u sei toba durante semana rua", Prezidente hatán halimar no hatutan katak hafoin hadeer hosi dukur naruk ne'e sei "halo férias balun ne'ebé furak tebes" ho nia feen. Nia esplika katak hafoin ne'e hakarak dedika tempu barak ba programa edukativu sira hanesan "My Brother's Keeper", ne'ebé nia harii iha 2014 no "Let Girls Learn", ne'ebé promove hosi primeira-dama.

"Let Girls Learn" hanesan programa ida ba promosaun asesu ba edukasaun ba labarik-feto millaun 62 ne'ebé agora daudaun la frekuenta eskola iha mundu tomak.

Michelle Obama lansa ona iha fulan-Marsu faze daruak hosi programa, ne'ebé konsisti iha "insisti ema sira hodi labele preokupa de'it ho problema maibé halo buat balun relasionadu ho problema".

Liuhosi pájina ida iha Internet, Michelle Obama konvida ona "profesór sira, estudante sira, aman sira no inan sira" hodi organiza eventu sira ne'ebé bele konsiensializa komunidade no, iha tempu hanesan, hetan osan ba inisiativu ne'e.

Ho "My Brother's Keeper", Prezidente norte-amerikanu nian hakarak kombate frakasu eskolar entre labarik-mane hispániku no afro-amerikanu sira, nune'e mós fó tan oportunidade ba sira.

Programa, ne'ebé Obama rekruta ona eis-jogadór koñesidu hosi NBA Earvin "Magic" Johnson, hakarak atu joven sira envolve hanesan mentór ka tutór hosi labarik sira ne'ebé mai hosi grupu minoria, aleinde promove kolaborasaun públiku-privadu iha asaun ne'e.

Komunidade 250 resin iha nasaun ne'e tomak tau ona naran iha "My Brother's Keeper". Iha loron-tersa, Obama fó korajen ba joven universitáriu sira ne'ebé partisipa iha fórum hodi sai hanesan mentór ba labarik sira ne'ebé iha risku.

"[Hanesan] posibilidade atu imi sai mentór hosi labarik-mane ida ho tinan ualu ka tinan sanulu ne'ebé hela iha-ne'e. Karik nia laiha aman, laiha buat barak. Imi fó atensaun ba sira (…), lori sira ba haree jogu ida, husu ba sira kona-bá oinsá nia kondisaun iha eskola. Ne'e hanesan revolusionáriu", afirma hosi Prezidente.

ho Lusa

Konteúdu Relasionadu:
Barack Obama despede White House ho festival ida múzika nian

komentáriu sira