lifestyle

Nasaun 20 ne'ebé furak liu iha mundu

SAPO TL, 07 de setembru de 2017

  • 1. Escócia

  • 2. Canadá

  • 3. Nova Zelândia

  • 4. Itália

  • 5. África do Sul

  • 6. Indonésia

  • 7. Inglaterra

  • 8. Islândia

  • 9. Estados Unidos

  • 10. País de Gales

  • 11. Eslovénia

  • 12. México

  • 13. Índia

  • 14. Finlândia

  • 15. Suiça

  • 16. Perú

  • 17. Noruega

  • 18. Irlanda

  • 19. Croácia

  • 20. Vietname

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Rough Guides, editora hosi matadalan ba viajen, dezafia nia leitor sira hodi vota ba nasaun 20 ne'ebé furak liu iha mundu.

Hatene iha ne'e nasaun sira ne'ebé selesionadu no motivu sira ne'ebé aprezenta hosi votante sira:

1. Eskósia
Iha fatin dahuluk, Eskósia atrai tanba nia tasi-ibun selvajen sira, bee-lihun no kastelu sira, "oferese paizajen furak tebes ida iha mundu".

2. Kanadá
Paizajen majestozu sira no nia furak selvajen sai hanesan pontu sira ne'ebé maka refere hosi leitor sira.

3. Nova Zelándia
Nasaun ne'e hetan felisitasaun maka'as tanba foho kolina matak sira, foho sira ne'ebé majestozu, tasi-sikun sira ne'ebé furak, nune'e mós tanba diversidade hosi paizajen hosi illa ida ba illa seluk.

4. Itália
Balun laran-monu ba paizajen sira no sidade sira, ema balun gosta tanba istória no sidade ki'ik sira ne'ebé romántiku.

5. Áfrika-Súl
Konsidera hanesan nasaun ida ne'ebé furak tanba moris selvajen oioin no mós tanba nia tasi-ibun sira.

6. Indonézia
"Impresiona tanba paizajen oioin no mós tanba kultura".

7. Inglatera
Lake District ne'ebé koñesidu ho Cornwall sai hanesan pontu importante sira.

8. Islándia
Ho nia tasi-ibun sira ne'ebé iha rai-henek metan, "hot springs" ho foho vulkániku sira maka halo nasaun ne'e hetan felisitasaun tanba nia paizajen "dramátiku sira".

9. Estadus Unidus
Parke natural sira maka hetan liu referénsia, hanesan Yosemite ho Grand Canyon.

10. Wales
Rekomenda halo vizita ba nia kastelu sira no deskobre nasaun nia istória.

11. Eslovénia
Leitor sira ne'ebé vota iha nasaun ne'e fó elojiu ba foho sira, ai-laran sira, bee-lihun sira, sidade antigu sira, hahán di'ak no povu simpátiku.

12. Méxiko
Tuir istória, uluk sai hanesan fatin hosi sivilizasaun boot ida iha mundu, Méxiko nakonu iha kultura, istória ho furak natural.

13. Índia
Nasaun hosi sentimentu sira ne'ebé la hanesan, hadomi ka iha ódiu, leitor sira realsa kultura barak ne'ebé maka Índia oferese.

14. Finlándia
Tuir leitor sira, nasaun ne'e iha buat ida "enigmátiku", aleinde paizajen sira ne'ebé nasaun ne'e oferese.

15. Suisa
Leitor sira konsidera katak nasaun ne'e hanesan nasaun di'ak tebes ba ema sira ne'ebé gosta la'o ho distánsia maka'as.

16. Perú
Hosi ai-laran amazónika, to'o rai-maran liuhosi foho sira, hanesan nasaun ida ne'ebé oferese paizajen oioin.

17. Noruega
Leitor sira destaka kuantidade hosi atividade sira ne'ebé maka bele halo no bele haree iha nasaun ne'e, hahú hosi lakan norte nian, glasiar sira, loron iha kalan-boot, no bee ne'ebé sulin maka'as...

18. Irlanda
Paizajen sira hanesan nia pontu forte.

19. Kroásia
Sidade sira Dubrovnik ho Split no nia kosta, ho kilómetru rihun rua resin, sai hanesan aspetu ne'ebé maka destaka liu hosi leitor sira.

20. Vietname
Furak natural ne'ebé maka nasaun oferese.

Fonte: SAPO Viagens

komentáriu sira