lifestyle

Muzeu Oriente hatudu ezemplar úniku hamutuk 70 hosi kultura textil timoroan nian

SAPO TL, 10 de dezembru de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Konjuntu ida hosi ezemplar úniku hamutuk 70 hosi kultura timoroan nian, iha produsaun textil hosi arte lokal 'tais' sei hatudu iha Muzeu Oriente, iha Lisboa, hahú hosi loron 12 Dezembru.

“Timor: Totems e Traços” hanesan títulu hosi espozisaun ne'ebé iha sasin úniku sira hosi tradisaun ho diversidade rejional Timor nian, haktuir hosi muzeu, ne'ebé sei inaugura iha loron ne'ebá iha tuku 18:30.

Espozisaun ne'e halibur ezemplar hamutuk 70 resin, mai hosi Timor Osidental ho Timor-Leste, ho data hosi sékulu XX ka anterior, ne'ebé sai hanesan sasin hosi parte ida hosi produsaun artezanal ne'ebé halo hosi feto sira iha soru tradisional hosi ai nian.

Maioria hosi sasán sira pertense ba kolesaun hosi espesialista boot ida iha área, Peter ten Hoopen, no balun konsidera hanesan úniku tebes, tanba téknika ho padraun sira ne'ebé uza, nune'e mós tanba nia proveniénsia hosi Timor-Leste, haktuir hosi muzeu.

Peter ten Hoopen hahú iha interese hosi arte timoroan ne'e iha final tinan 1970, maibé iha de'it tinan 2010 maka desidi halo kolesaun no estuda maka'as arte ne'e.

"Bainhira ita hasoru ho kultura ida ne'ebé maka atu lakon lalais, liu duké halo kolesaun ba pesa emblemátiku sira, hanesan importante prezerva koñesimentu ne'ebé maka sira iha. Bainhira transferénsia tradisional hosi koñesimentu sira haksoit ba jerasaun ida, koñesimentu ne'e sei lakon duni. Tanba ne'e maka ha'u haree kolesaun ne'e hanesan projetu ida hosi patrimóniu kultural, no la'ós de'it hodi tau hamutuk objetu sira", esplika hosi kolesionador iha testu ida ne'ebé haktuir hosi muzeu.

Parte barak hosi hena sira ne'ebé halo hosi feto sira hosi liñajen ida, uluk rai, no konsidera liñajen ne'e hanesan patrimóniu no presiza ba troka ritual sira iha serimónia sira aliansa nian, kazamentu, moris ho mate nian.

Períudu naruk hosi ajitasaun polítika ne'ebé maka akontese iha illa tomak, hahú hosi dékada 70 hosi sékulu XX, mudansa sira hosi estilu moris populasaun nian no laiha interese atu hatais ne'e ikusmai hetan votu tanba konsidera hanesan la tuir 'moda', halo atu parte barak hosi nia patrimóniu textil hetan estraga.

Iha loron 13, loron-sesta, tuku 11:30, Peter ten Hoopen sei orienta vizita ida ba “Timor: Totems e Traços”, ho entrada gratuitu.

Espozisaun sei halo to'o loron 15 Marsu 2020.

Fonte: Ajénsia Lusa

komentáriu sira