lifestyle

Moris ona William ho Kate nia oan datoluk

SAPO TL, 23 de abril de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Dukeza hosi Cambridge, Kate Middleton, iha loron-segunda ne'e tuur-ahi ba kosok-oan mane, oan datoluk hosi kaben-na'in real britániku, fó sai hosi Palásiu Kensington.

"Alteza Real Dukeza Cambridge tuur-ahi lahó problema sira ba kosok-oan mane iha tuku 11:01 [oras lokal]", informa iha komunikadu, hosi Palásiu Kensington, ne'ebé adianta ona katak kosok-oan ho inan iha kondisaun di'ak.

Kosok-oan, ne'ebé nia naran sei fó sai "iha momentu loloos", moris ho todan 3,8 kilo.

Dukeza tama iha ospital St. Mary, iha Londres, iha loron-segunda dadeer ho sinal sira hodi "hahú tuur-ahi".

Prínsipe William asisti ona momentu kosok-oan nia moris, ne'ebé sei hanesan ema dalima iha liña susesaun ba tronu.

Palásiu afirma katak "liurai-feto, duke Edimburgu nian, prínsipe Gales, dukeza hosi Cornualha, prínsipe Harry no membru sira hosi família rua ne'e simu ona informasaun no senti haksolok ho notísia".

Fonte: Agência Lusa

komentáriu sira