lifestyle

Mate ona eskritor xilenu Luis Sepúlveda

SAPO TL, 16 de abril de 2020

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Eskritor xilenu Luis Sepúlveda mate ona iha loron-kinta ne'e, ho tinan 70, iha España, iha konsekuénsia hosi moras COVID-19, konfirma hosi Porto Editora.

Sepúlveda tama iha hospital iha fulan-Fevereiru nia rohan iha hospital ida iha Oviedo, iha España, ne'ebé maka diagnostikadu ho moras ne'e. Sintoma dahuluk sira akontese iha loron balun antes bainhira nia tuir festival literáriu Correntes d'Escritaas, iha Póvoa de Varzim, Portugal.

Konfirmasaun katak hetan infesaun ho COVID-19 halo, iha momentu ne'ebá, Correntes d'Escritas rekomenda kuarentena voluntáriu ba ema sira ne'ebé partisipa iha festival no sira ne'ebé iha kontaktu ho eskritor xilenu.

Buat hotu akontese antes autoridade portugeza sira konfirma ofisialmente rejistu ruma ba infesaun iha Portugal, ne'ebé akontese de'it iha loron 02 Marsu.

Luis Sepúlveda, ne'ebé moris iha Xile iha loron 04 Outubru 1949, estreia iha letras iha tinan 1969, ho "Crónicas de Piedro Nadie", hahú ho bibliografia ida ho títulu 20 resin ne'ebé inklui obra sira hanesan "O Velho que Lia Romances de Amor" ho "História de Uma Gaivota e do Gato que a Ensinou a Voar".

Eskritor iha obra tomak publikadu iha Portugal - títulu balun halo parte iha Planu Nasional Leitura nian -, no hanesan prezensa regular iha eventu literáriu sira iha nasaun.

Luis Sepúlveda kaben ho poetiza Carmen Yáñez, ne'ebé tama mós iha hospital no iha izolamentu.

Fonte: Ajénsia Lusa

komentáriu sira