lifestyle

Liurai-feto Isabel II halo tinan 91 selebra ho tiru kañaun dala sanulu resin

SAPO TL, 22 de abril de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Tiru kañaun dala sanulu resin rona iha loron-sesta ne'e iha Londres hodi selebra liurai-feto Isabel II nia tinan 91, ne'ebé mantén juramentu ne'ebé nia halo bainhira nia iha tinan 21 hodi dedika nia moris, "naruk ka badak", ba súbditu sira.

Espesialista sira hosi realeza konsidera katak Isabel II sei la dezisti hosi nia kargu, fó hanoin juramentu ne'ebé nia halo bainhira iha nia foin halo tinan 21: "Ha'u deklara iha imi nia oin katak ha'u nia moris tomak, maski naruk ka badak, sei dedika ba imi nia serbisu no ba serbisu hosi ita nia família boot imperial, ne'ebé ita hotu pertense".

Hanesan tinan-tinan, monarka nia aniversáriu hamosu barullu, festeja ho tiru kañaun dala 41 iha Hyde Park no dala 62 iha Torre Londres nian iha final dadeer nian. Maibé, liurai-feto komemora loron ho diskrisaun iha Kastelu Windsor, ne'ebé tuir tradisaun pasa fulan ida iha períudu Páskoa nian.

Boris Johson, ministru Negósiu Estranjeiru britániku, hakerek iha nia pájina Twitter “Hip hip viva ba liurai-feto!", no BBC hahú nia programasaun ho hinu “God Save the Queen”.

Liurai-feto Isabel II komemora baibain nia tinan iha faze rua, ida iha loron aniversáriu nian no ida seluk iha serimónia ofisial iha fulan-Juñu, tuir akordu ho tradisaun antigu ida ne'ebé bele halai hosi inserteza tempu klima nian.

Iha tinan liubá, aniversáriu privadu monarka nian aumenta to'o iha dalan sira besik kastelu Windsor ne'ebé iha ema barak tenes no divulga maka'as hosi meiu komunikasaun sira, no iha selebrasaun oioin iha fatin tomak nasaun nian.

"Ha'u sei moris hela", liurai-feto hatete halimar liutiha fulan rua, durante vizita ida ba Irlanda-Norte, no selebra iha fulan-Fevereiru jubileu hosi safira ne'ebé reprezenta tinan 65 iha tronu britániku. Isabel sa'e ba tronu iha tinan 1952 ho tinan 25, hafoin nia aman, George VI, mate.

Rezisténsia ne'e kontribui ba nia popularidade no monarka, ne'ebé iha nafatin kuidadu hodi hadook aan hosi asuntu polítiku sira, afirma iha loron-sesta ne'e hanesan fatór ikus ida hosi fatór sira koezaun nian iha Reinu Unidu prejudikadu hosi rejionalizmu sira no haketak malu dezde votasaun ba “Brexit”.

Soberana, moris iha loron 21 Abril 1926, agora daudaun hatudu firmeza kona-ba rekoñesimentu hosi limitasaun natural sira ne'ebé sei mosu iha ezersísiu hosi nia funsaun sira, delega neineik atividade balun ba membru sira seluk hosi família real.

Herdeiru tronu nian, prínsipe Carlos iha tempu ikus ne'e reprezenta maka'as uma real iha viajen sira ba estranjeiru, hanesan mós liurai-feto nia bei-oan-mane na'in rua, Harry ho William.

Tuir informasaun sira ne'ebé halibur hosi espesialista monarkia nian Tim O'Donova, liurai-feto Isabel II hamenus prezensa iha kompromisu ofisial sira hosi 393 iha tinan 2014 ba 341 iha tinan 2015 no 332 iha tinan 2016 no karik sei kontinua hamenus iha tinan 2017.

ho Lusa

komentáriu sira