lifestyle

Kriador hosi pirámide Louvre nian mate ho tinan 102

SAPO TL, 17 de maiu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Arkitetu sinu-amerikanu Ieoh Ming Pei, kriador hosi edifísiu emblemátiku oioin, hanesan Pirámide Louvre nian, iha Paris, ka Banku Xina nian iha Hong Kong, mate ona ho tinan 102, anunsia iha loron-sesta ne'e.

Moris iha Guangzhou iha loron 26 Abril 1917, Ieoh Ming Pei to'o iha Estadus Unidus Amérika iha tinan 1935 no hetan reputasaun ida ho nível mundial hahú hosi dékada 80, akumula prémiu internasional oioin, hanesan Prémiu Pritzker, ema barak konsidera hanesan Nobel Arkitetura nian, ka ‘Praemium Imperiale’.

Arkitetu mate iha loron-kuarta kalan ba loron-kinta, anunsia hosi jornal New York Times ne'ebé haktuir nia oan-mane Chien Chung Pei.

Pirámide hosi Muzeu Louvre nian, iha Paris, hotu iha tinan 1989, hanesan nia obra ne'ebé koñesidu liu, sai hanesan fatin referénsia ida hosi kapital franseza.

Fonte: Ajénsia Lusa

komentáriu sira