lifestyle

Kompañia aéreu low-cost ne'ebé di'ak liu iha Europa no Mundu

SAPO TL, 06 de janeiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Bainhira hakarak halo viajen iha Europa ka iha Mundu ho dalan baratu liu, hatene iha ne'e kompañia aéreu ne'ebé maka tenki hili.

Anúnsiu ba kompañia aéreu low-cost ne'ebé di'ak liu iha tinan 2016 halo hosi Skytrax, no ho baze iha kestionáriu sira satisfasaun ba viajante hamutuk millaun 19,3 hosi nasaun 104, liga kompañia aéreu hamutuk 280 resin. Inkéritu sira ne'e ko'alia kona-ba kestaun sira relasionadu ho faze sira, hahú hosi sosa billete sira, kualidade navegasaun hosi website sira, serbisu sira check-in nian, entrega bagajen, konfortu ho limpeza aviaun nian, kualidade hahán nian, asisténsia durante semo, hospitalidade hosi asistente sira iha aviaun laran...no rekizitu sira seluk.

Iha ranking sira ne'e fó koñese kompañia low-cost sanulu ne'ebé di'ak liu tuir rejiaun, low-cost di'ak liu ho viajen naruk no hafoin ne'e halo balansu ba sira ne'ebé di'ak liu iha mundu. Rejiaun sira inklui Áfrika, Ázia, Austrália/Pasífiku, Europa, Médiu Oriente, Amérika-Norte, Amérika-Súl ho Ázia/Índia.

Antes haree ba kompañia sira ne'ebé di'ak liu iha Europa ho Mundu, tenki haree mós kompañia aéreu sira ho viajen naruk ne'ebé sai hanesan sira ne'ebé di'ak liu: 1. Norwegian, 2. Jetstar Airways, 3. AirAsiaX, 4. Scoot e 5. WOW Air.

Iha Europa, Norwegian hetan prémiu nu'udar kompañia low-cost di'ak liu iha tinan haat konsekutivu. Nia atuasaun iha merkadu la'ós hanesan konsensual liu entre konkorénsia maibé kliente sira senti satisfeitu. Serbisu di'ak ne'ebé sira fó halo kompañia tama mós iha pozisaun di'ak ba kompañia low-cost ho viajen naruk no iha nível mundial tama iha fatin datoluk.

Kona-ba kompañia sira ne'ebé di'ak liu iha mundu, AirAsia simu títulu ba dala ualu konsekutivu. Tuir nia CEO, Tony Fernandes, "maski ho konkista prémiu ne'e ba dala ualu konsekutivu, ami hatene katak ami bele sai di'ak liu no ami hakarak hadi'a ami nia serbisu sira".

Iha Mundu

10. Azul Brazilian Airlines

9. Jetstar Asia

8. IndiGo

7. WestJet

6. AirAsia X

5. Jetstar Airways

4. EasyJet

3. Norwegian

2. Virgin America

1. AirAsia

Iha Europa

10. Monarch Airlines

9. Pegasus Airlines

8. airBaltic

7. Wizz Air

6. Vueling Airlines

5. Ryanair

4. NIKI

3. Eurowings

2. easyJet

1. Norwegian

Fonte: Pplware

komentáriu sira