lifestyle

Karta hosi pasajeiru Titanic nian fa'an iha leilaun ho euro 140.600

SAPO TL, 23 de outubru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Karta ida ne'ebé hakerek hosi pasajeiru ida hosi pakete Titanic loron ida antes ró mout sosa ona ho libra esterlina rihun 126 (besik euro 140.600) iha leilaun ida iha Inglatera.

Karta manuskritu, ho sinal ró nian, hakerek hosi pasajeiru ida iha klase VIP nian, Alexander Oskar Holverson, iha loron 13 Abril 1912, loron ida antes ró xoke "iceberg" ida no mout iha Atlántiku Norte, no halo ema na'in 1.500 resin mate.

Holverson, vendedor ida, iha intensaun hodi haruka karta ba nia inan ne'ebé iha tempu ne'ebá hela iha Nova Iorke.

Uma leilaun Henry Aldridge & Son, espesializadu iha memorabilia hosi ‘Titanic’, afirma ona katak hanesan "karta ida importante liu hosi ‘Titanic’ ne'ebé maka fa'an ona tanba nia konteúdu, kontestu istóriku ho tanba hanesan ladún hetan, fó sai iha notísia hosi AP.

Iha karta, ne'ebé diriji ba "ha'u nia Inan doben" no foer tanba tasi-been, Holverson ko'alia kona-ba Titanic no hatete katak "boot tebes no ekipadu hanesan hotel palasianu ida", no nia hatutan: "Hahán ho hemun sira hanesan di'ak tebes".

"Bainhira buat hotu la'o ho di'ak, mãe, ami sei to'o iha Nova Iorke iha loron-kuarta", nia hatutan.

Karta, hanesan ida ne'ebé ikus liu ne'ebé koñesidu tanba hakerek iha ró laran hosi vítima sira dezastre nian, hetan iha kadernu hosi Holverson nia bolsu bainhira hasai nia mate-isin hosi tasi laran no hafoin ne'e haruka ba família.

ho Lusa

komentáriu sira