lifestyle

Kaben-na'in mate ho diferensa oras hafoin selebra tinan 75 kazamentu nian

SAPO TL, 25 de setembru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Feto británika ida ho nia laen kanadianu mate ho diferensa oras lima, iha loron-sesta, iha Kanadá, liutiha fulan ida hafoin sira kompleta tinan 75 kazamentu nian.

Tuir BBC, George Spear ho Jean Spear mate ona, iha loron-sesta, iha ospital Queensway Carleton, iha Ottawa, Kanadá. Jean, ho tinan 94, tama iha ospital tanba pneumonia ida no, liutiha tempu balun, George, tinan 95, tama ospital tanba problema fuan nian.

Funsionáriu sira hosi ospital tenta tau sira hamutuk iha andar hanesan, hodi nune'e bele sira bele hamutuk, maibé Jean Spear mate antes akontese asaun ne'e.

George ho Jean koñese malu iha salaun dansa ida, besik iha Londres, iha 1941, bainhira ró kanadianu ida tama iha Reinu Unidu durante Funu Mundial Daruak. Liutiha tempu balun sira kaben, iha Agostu 1942. Maski unidu hosi kazamentu, británika ne'e kontinua hela iha nia rai moris fatin, iha Kingston-upon-Thames, iha Reinu Unidu, no George kombate iha Itália.

Iha 1044, George Spear fila ba uma, iha Kanadá, no iha tempu ne'ebá maka Jean muda ba Ottawa. Iha ne'ebá nia harii klube dahuluk hosi "noiva sira funu nian" hosi nasaun ne'e, hanesan naran ne'ebé koñesidu ba feto europeia sira ne'ebé kaben ho soldadu kanadianu sira durante Funu Mundial Daruak. Tuir BBC, hamutuk rihun 50 resin.

Nia serbisu iha klube "noiva sira funu nian" halo Jean hetan kondekorasaun ida hosi Orden Impériu Britániku, ne'ebé fó hosi liurai-feto Isabel II iha tinan 2006.

Fonte: SAPO Lifestyle

komentáriu sira