lifestyle

Joven sira ne'ebé hetan tulun iha gruta iha Tailándia homenajeia mergullador ne'ebé mate

SAPO TL, 24 de juñu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Jogador sira futebol no treinador ne'ebé maka hetan tulun iha tinan ida liubá iha Tailándia halo ona homenajen, iha loron-segunda ne'e, ba mergullador ne'ebé mate durante operasaun salvamentu internasional ne'ebé akompaña iha mundu tomak.

Saman Kunan, antigu membru hosi Mariña Tailándia nian, mate bainhira mergulla, iha tempu hanesan bainhira lori material ba gruta ne'ebé inundadu.

"Ohin hanesan loron importante ida ba ami tanba Saman hanesan ona aman daruak ida ba ami", deklara hosi Adul Sam-On, adolesente ida hosi adolesente na'in 12, iha serimónia ne'ebé organizadu liutiha ida hafoin trajédia.

Ema atus resin reza iha estátua ne'ebé harii hodi hanoin Saman Kunan, ne'ebé konsidera hanesan herói, iha muzeu ida ne'ebé dedikadu ba operasaun tulun besik iha gruta Tham Luang, ne'ebé agora taka ba públiku.

Ekipa futebol ho nia treinador agradese mós ba esforsu tomak ne'ebé halo durante operasaun salvamentu iha serimónia relijiozu ida.

"Ha'u hakarak agradese ba meiu sira, ba públiku, ba ami nia viziñu sira iha Mae Sai no ba autoridade sira", hatete hosi treinador Eakapol Chanthawong ba imprensa hodi agradese mós ajuda internasional ne'ebé fó durante operasaun.

Labarik-mane na'in 12 no agora eis-treinador futebol, hatais kamiza amarelu sira, partisipa ona iha ritual oferta ida ba monje sira, iha gruta Tham Luang, fatin ne'ebé sira labele sai iha loron 23 Juñu 2018, besik iha aldeia Mae Sai, iha provínsia Chiang Rai.

Gruta, ne'ebé agora taka ba públiku, sai ona hanesan fatin peregrinasaun ida ba turista sira ho ema sira ne'ebé iha kuriozidade.

Labarik sira, ho tinan entre 11 ho 16, ho treinador, ho tinan 25, metin iha gruta durante semana rua resin hafoin udan boot no halo bee-sa'e hodi besik taka gruta ne'e.

Durante operasaun salvamentu, halibur ona meiu nasional sira ho internasional sira, ho partisipasaun hosi ema na'in 1.300 ho nasionalidade oioin.

Halo tuir treinador, labarik-mane sira uza meditasaun hodi akalma nervus sira no poupa enerjia, nune'e ajuda sira bele moris iha ambiente malirin ho húmidu.

Grupu ne'e salva hosi mergullador britániku sira iha loron 02 Jullu iha gruta nakukun ida ne'ebé sira bele sobrevive lahó hahán sira no hemu de'it bee ne'ebé tama hosi parede sira.

Entre loron 08 ho 10 Jullu, joven sira, ne'ebé la hatene nanin, sai ho ajuda hosi mergullador sira liuhosi dalan sira ho kilómetru haat.

Labarik ida-idak demora iha média oras tolu hodi sai hosi gruta ho ajuda hosi ekipa salvamentu sira.

Hakerek ona livru rua kona-ba operasaun salvamentu hosi ekipa futebol no nia treinador no istória ne'e retrata ona iha produsaun ida hosi Netflix.

Liutiha fulan rua hafoin resgate, jogador na'in tolu ho treinador, ne'ebé pertense ba minoria étnika, simu ona nasionalidade tailandeza.

Fonte: Ajénsia Lusa

komentáriu sira