lifestyle

José Eduardo Agualusa ho Luís Cardoso entre finalista sira hosi Grande Prémiu APE

SAPO TL, 04 de jullu de 2018

  • Luís Cardoso

  • José Eduardo Agualusa

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Eskritór sira José Eduardo Agualusa, Marlene Ferraz, H.G. Cancela, Carla Pais ho Luís Cardoso hanesan finalista sira hosi Grande Prémiu ba Romanse ho Novela hosi Asosiasaun Portugeza Eskritor sira nian (APE) 2017, anunsia iha loron-kuarta ne'e.

Júri, ne'ebé komposta hosi sabel Cristina Mateus, Isabel Ponce de Leão, José Carlos Seabra Pereira, José Manuel de Vasconcelos ho Paula Mendes Coelho, hasoru malu iha loron-tersa no analiza ona obra hamutuk 72, hosi aprovasaun hamutuk 35, ne'ebé maka aprezenta ona ba konkursu.

Hosi avaliasaun ne'e rezulta ona lista ida ho obra finalista lima: “A Sociedade dos Sonhadores Involuntários”, hosi José Eduardo Agualusa, “As Falsas Memórias de Manoel Luz”, hosi Marlene Ferraz, “As Pessoas do Drama”, hosi H.G. Cancela, “Mea Culpa”, hosi Carla Pais, ho “Para onde vão os gatos quando morrem”, de Luís Cardoso.

Grande Prémiu ba Romanse ho Novela APE/DGLAB (Diresaun-Jeral hosi Livru, Arkivu sira ho Biblioteka sira nian) hanesan prémiu literáriu ne'ebé maka APE fó hahú hosi tinan 1982, ho objetivu hodi konsagra obra fiksaun ida hosi autor portugés ne'ebé maka publikadu iha tinan anterior antes atribuisaun prémiu nian.

Ho valor pekuniáriu hamutuk euro rihun 15, konsidera hanesan prémiu nasional importante liu iha Portugal.

Iha tinan 2017, romanse ne'ebé manán maka “Não se pode morar nos olhos de um gato”, hosi Ana Margarida de Carvalho, ne'ebé iha tinan tolu antes manán ona prémiu hanesan ho romanse “Que importa a fúria do mar”.

Fonte: Ajénsia Lusa

komentáriu sira