lifestyle

"Jalan Jalan" hosi Afonso Cruz manán Prémiu Boot hosi Literatura Viajen nian

SAPO TL, 24 de jullu de 2019

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Livru "Jalan Jalan" hosi Afonso Cruz, manán ona, ho unanimidade, edisaun daruak hosi Prémiu Boot hosi Literatura Viajen Maria Ondina Braga, fó hosi Asosiasaun Portugeza Eskritór sira nian (APE), anunsia iha loron-kuarta ne'e.

"Júri ida, kordenadu hosi José Manuel Mendes, konstitui hosi Guilherme d’Oliveira Martins, Isabel Cristina Mateus ho Teresa Carvalho atribui, ho unanimidade, Prémiu Boot hosi Literatura Viajen Maria Ondina Braga ba livru ‘Jalan Jalan’, hosi Afonso Cruz (Companhia das Letras)", refere APE iha komunikadu ida ne'ebé fó sai iha loron-kuarta ne'e.

Prémiu, ne'ebé konta ho patrosíniu hosi Kámara Munisipal Braga nian, iha valor osan hamutuk 12.500 euro.

Júri destaka iha Afonso Cruz nia livru "koerénsia, fluidez narativu ho konsisténsia hosi leitura mundu ida nian hahú hosi temátiku viajen ne'ebé maka hanesan intérprete privilejiadu ida".

Ba edisaun daruak hosi Premiu Boot Literatura Viajen Maria Ondina Braga nian konkore ona obra sira ne'ebé fó sai iha tinan 2018 no "ho títulu esepsional hosi tinan 2017 nian".

Afonso Cruz, ne'ebé moris iha tinan 1971 iha Figueira da Foz, aleinde eskritór hanesan mós ilustrador, múziku (halo parte hosi banda The Soaked Lamb) ho realizador.

Nia publika nia romanse dahuluk iha tinan 2008, "A carne de Deus: Aventuras de Conrado Fortes e Lola Benites", tuir, iha tinan 2009, "Enciclopédia da estória universal", ne'ebé hetan ona Prémiu Boot hosi Kontu Camilo Castelo Branco nian.

Iha tinan hirak ikus ne'e nia simu ona prémiu oioin, entre sira maka Prémiu hosi Uniaun Europeia Literatura nian ho livru "A Boneca de Kokoschka", iha tinan 2012, Prémiu Autor sira hosi Sosiedade Portugeza Autor sira nian (SPA), iha tinan 2011 ho 2014, no Prémiu Nasional Ilustrasaun nian iha tinan 2014.

Afonso Cruz hanesan mós autor hosi, entre livru barak, "Os livros que devoraram o meu pai", "A contradição humana", "Jesus Cristo bebia cerveja" ho "Para onde vão os guarda-chuvas".

Fonte: Ajénsia Lusa

komentáriu sira