lifestyle

Istória sira, sinema, múzika ho poezia iha Semana Lian Portugeza nian iha Díli

SAPO TL, 02 de maiu de 2018

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Istória, sinema, múzika ho poezia hanesan atividade balun ne'ebé, hahú loron-kuarta ne'e, asinala Semana Lian Portugeza nian iha Díli, iha programa ida ne'ebé envolve organizasaun oioin ho programa portugés sira no timoroan sira nian.

Eventu sira, ne'ebé hala'o to'o loron-sábadu, hahú ho espozisaun ida kona-ba "konkista sira, dezafiu sira ho aliansa sira" iha ensinu lian portugeza, halo iha Sentru Kultural Portugés, ne'ebé halo parte hosi Embaixada Portugal nian iha Díli.

Abertura hosi jornada sei konta ho espetákulu múzika ida no poezia hosi Eskola Portugeza Ruy Cinatti, hosi Universidade Nasional Timor Lorosa'e (UNTL), hosi Semináriu Menor Nossa Senhora de Fátima no hosi CAFE (Sentru Aprendizajen no Formasaun Eskolar), eskola referénsia hosi kapital timoroan nian.

Iha loron-kinta, Arkivu & Muzeu Rezisténsia nian, iha Díli, sei simu konferénsia ida kona-ba ensinu lian nian. Iha loraik, iha fatin hanesan, sei hatudu dokumentáriu ida "A língua, a luta, a nação" hosi Max Stahl, kona-ba knaar lian portugeza nian iha luta ba rezisténsia timoroan nian.

Iha loron-sesta sei hala'o hamutuk ofisina téknika oioin hodi konta istória no mós kona-ba livru sira, aleinde konsertu ida hosi grupu 3 Bairros.

Sei hanoin mós, ba loron ne'e, lansamentu hosi livru "Histórias da minha origem", hosi Márcia Cavalcante ho Maria da Cunha, tertúlia ida lian portugeza nian no ofisina eskrita kriativu ida.

Iha loron-sábadu previstu, iha Sentru Kultural, eventu ida kontu nian no iha Fundasaun Oriente programa sinema ida - ho filmi "Palavra (En)Cantada", viajen muzikal ida liuhosi lian portugeza - no atuasaun hosi grupu Banda Mix Brazil.

UNTL simu espetákulu múzika seluk ida.

Programa inklui mós ezibisaun, hahú loron 12 Maiu, hosi edisaun daruak DOCTV-CPLP, dokumentáriu oioin ne'ebé halo iha nasaun-membru sira hosi komunidade Nasaun sira Lian Portugeza nian [Angola, Cabo Verde, Brazil, Guiné-Bissau, Guiné Ekuatorial, Mosambike, Portugal, São Tomé & Prínsipe ho Timor-Leste).

Fonte: Ajénsia Lusa

komentáriu sira