lifestyle

Iha karta aberta, Angelina Jolie "hatán" ba Trump

SAPO TL, 03 de fevereiru de 2017

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Atrís hakerek testu ida ne'ebé publika iha jornal The New York Times, ne'ebé ko'alia kona-ba problema hosi refujiadu sira nian.

Angelina Jolie hatudu ona nia opiniaun kona-ba Prezidente Donald Trump, liuliu, kona-ba polémiku hosi dekretu ne'ebé bandu refujiadu sia hodi tama iha Estadus Unidus ba durante loron 120 nia laran no ba ema síriu sira ho tempu ne'ebé laiha limiti.

Iha karta aberta ida ne'ebé nia hakerek ba The New York Times, atrís defende katak Amérika nia resposta hasoru atual krizi refujiadu sira nian tenki bazeia iha faktu sira no la'ós iha tauk.

"Refujiadu sira hanesan mane, feto no labarik sira ne'ebé hasoru violénsia sira funu nian ka iha perseguisaun nia laran", nia hakerek. "Sira barak, antes sai terorista, sira hanesan vítima rasik hosi terorizmu", nia hatutan.

Angelina hatete mós katak senti orgullu tanba hela nafatin iha nasaun ida ne'ebé apoia ona no disponibiliza ona nia rekursu sira, inkluzive loke odamatan sira, ba refujiadu sira ne'ebé presiza.

"Ema amerikanu sira fakar raan hodi defende ideia katak direitu ema sira nian ultrapasa kultura, jeografia, etnia no relijiaun", nia defende. "Desizaun hodi suspende apoiu ba refujiadu sira no nega entrada hosi sidadaun sira ne'ebé mai hosi nasaun hotu maioria musulmanu halo ema iha mundu tomak hakfodak", nia hatutan.

Maski entende katak seguransa nasaun nian tenki sai hanesan prioridade ida hasoru ameasa sira terorizmu nian, Angelina argumenta katak ne'e la'ós hanesan solusaun: "Ita nia resposta tenki sukat no ho baze iha faktu sira no la'ós iha tauk".

No nia hatutan: "Hanesan inan hosi labarik na'in neen ne'ebé moris iha fatin estranjeiru sira no ne'ebé hanesan sidadaun amerikanu orgullozu sira, ha'u hakarak tebes atu ita nia nasaun bele sai hanesan seguru ba sira".

Atrís ne'e serbisu iha ONU hahú tinan 2001 no partisipa ona iha misaun hamutuk 50 resin.

Fonte: NM (SAPO Lifestyle)

komentáriu sira