lifestyle

Hosi Nova Iorke to'o Singapura, Harry Potter nia fã sira buka hodi sosa livru foun

SAPO TL, 01 de agostu de 2016

  • Londres (Foto: Andy Rain /EPA)

  • Londres (Foto: Andy Rain /EPA)

  • Hong Kong, China (Foto: Jerome Favre/EPA)

  • Banguecoque, Tailândia (Fonte: SAPO Mag)

  • Singapura (Fonte: SAPO Mag)

  • Livraria Lello, Porto, Portugal (Fonte: SAPO Mag)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hosi Nova Iorke to'o Singapura, fã rihun resin halai hodi sosa livru dahuluk sira hosi 'Harry Potter and the Cursed Child', versaun adaptadu hosi teatru ne'ebé iha ona estreia mundial, iha loron-sábadu liubá, iha Londres.

Ema na'in 500 resin maka halo fila iha livraria boot liu iha sidade Nova Iorke, iha Estadus Unidus, iha “Barnes & Noble da Union Square”, basa-liman bainhira hatudu estante ho livru sira ne'e, haktuir hosi reportajen ida hosi ajénsia France Presse (AFP) iha fatin akontesimentu.

Kate D'Auria, tinan 24, hanesan ema ida ne'ebé maka sosa dahuluk livru ne'e. Nia konta katak hein oras neen resin hodi bele sosa livru no sei le iha kalan tomak.

Entuziasmu hanesan akontese iha Singapura, ne'ebé Harry Potter nia fã besin na'in 300 halo fila iha livraria Kinokuniy nia oin, ne'ebé loke iha tuku 07:01 hodi tama hanesan sira ne'ebé dahuluk iha mundu ne'ebé maka sosa livru daualuk hosi saga ne'e.

Samantha Chua, estudante ida ho tinan 24, marka prezensa hahú tuku 05:00 oras lokal iha livraria nia odamatan, situa iha andar dahaat iha sentru komersial ida nian, no hanesan ema dahuluk iha fila ne'ebé akompaña hosi namoradu.

"Ha'u boot ho le livru sira ne'e no sira iha fatin espesial ida iha ha'u nia biblioteka maibé ne'e hanesan ha'u nia realizasaun boot", hatete hosi Samantha Chua ne'ebé hatais ‘t-shirt’ ida ho imajen Harry Potter nian.

Loron lansamentu nian hili ba iha loron 31 Jullu tanba hanesan loron aniversáriu hosi autora J.K.Rowling no hosi personajen Harry Potter nian.

Livru, dezenvolvidu hosi J.K. Rowling, Jack Thorne ho John Tiffany, hanesan ofisialmente hosi istória daualuk hosi série no retrata tinan 19 hafoin final hosi Harry Potter and the Deathly Hallows – Part 2.

Protagonista ida hosi istória maka Albus Severus Potter, Harry Potter no Ginny Weasley nia oan-mane.

Haree lansamentu ne'ebé halo iha Porto, Portugal

ho Lusa

komentáriu sira