lifestyle

Ho tinan 3 Matt promete kaben ho Laura no liutiha tinan 20 kumpri nia promesa

SAPO TL, 03 de jullu de 2017

  • créditos: Instagram The Way We Met (SAPO Lifestyle)

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Matt iha de'it tinan 3 bainhira promete ba Laura katak sei husu nia ba kazamentu. Liutiha tinan 20, kaben-na'in ne'e ba altar iha Estadus Unidus.

Uluk hanesan labarik na'in rua bainhira sira promete domin eternu. Akontese iha tinan 20 liubá iha Estadus Unidus iha eskola primária ida iha Phoenix.

Kaben-na'in nia istória fahe iha Instagram, iha konta "The Way We Met", no hetan daudaun atensaun mediátiku iha mundu tomak.

Ba "Huffington Post", Matt Grodsky hanoin hikas memória ida ne'ebé antigu liu: iha turma tomak nia oin nia deklara nia domin ba nia amiga di'ak liu: Laura Scheel.

Iha Instagram, Matt hakerek: "Ha'u nia laran monu ba Laura bainhira ha'u sei hanesan labarik no ha'u kontinua hadomi nia".

Maibé Matt ho Laura tuir destinu sira ne'ebé la hanesan, iha eskola ne'ebé la hanesan, no hafoin ne'e lakon kontaktu ba malu.

Ikusmai, durante tinan dahuluk hosi sekundáriu, maka sira hasoru malu fali: Laura hetan Matt nia naran iha belun ida nia telemóvel. Iha semana rua nia laran, Matt ho Laura hasoru malu fali no hahú namora fali.

Jornal "The Independent" hakerek katak Matt Grodsky kumpri ona nia promesa bainhira sei hanesan labarik iha fulan-Maiu 2015, bainhira husu ba Laura Scheel hodi kaben ho nia, iha eskola primária ne'ebé hanesan fatin ne'ebé sira koñese malu ba dala uluk. Sira kaben iha fulan-Dezembru tinan 2016.

Fonte: SAPO Lifestyle

komentáriu sira