lifestyle

Hatene rede sosiál sira nebe tama de'it milionáriu ho selebridade sira

Sapo TL, 10 de jullu de 2015

Hanesan klube virtuál exkluzivu relasionadu ho mundu negósiu sira nian, luxu, ba negósiu no to'o intelejénsia nian.

fahe
Email
×

Favór ida verifika kampu sira ne'ebé asinaladu

Artigu ne'e fahe ho susesu ho .

Hatene katak atu tama iha rede sosiál sira The Sphere, Inner Circle, Asmallworld ka ELQT tenki iha euro millaun resin iha konta bankáriu, tenki hanesan ‘business man' ida ka selebridade ruma? Ne'e hanesan rekizitu ruma nebe presiza hodi tama iha rede sosiál sira, nebe konsidera hanesan luxu no ema balun de'it maka tama.

Atu tama iha rede sosiál sira, nebe ema ladún ko'alia iha internet, tenki liuhosi avalisaun finanseiru oioin, kurikulár no profisionál sira, nune'e mós analiza situasaun familiár kandidatu nian. Tanba ne'e la'ós hakerek de'it naran, email, kestionáriu ki'ik no seluk tan. Atu tama iha klube exkluzivu sira ne'e tenki hetan validasaun hosi ekipa nebe jere rede ne'e. Iha kazu barak, tama hosi konvite ka selu kuota tinan-tinan ka inskrisaun nebe bele iha folin to'o euro rihun tolu.

Bainhira tama ona iha rede sosiál sira ne'e tenki tama iha mundu virtuál luxu no "glamour". Kolesaun sira hosi modelu oioin hosi fabrikante Ferrari, eventu exkluzivu sira iha sidade europeu sira hanesan Paris, fahe esperiénsia sira viajen nian iha fatin furak sira no festa nebe nakonu ho atór sira hosi Hollywood sai hanesan "post" balun nebe bele haree iha rede sira ne'e (hosi utilizadór rejistadu sira).

The Sphere (www.the-sphere.com), Inner Circle (angel.co/the-inner-circle), Asmallworld (www.asmallworld.com) ho ELEQT (www.eleqt.com) mka hanesan rede sosiál balun nebe halibur milionáriu sira, selebridade sira ka ema sira nebe okupa knaar aas tebes iha empreza boot sira. Rede sira ne'e serve mós hodi organiza eventu sira, hanesan findesemana iha hotel sira luxu nian, konferénsia sira kona-bá tema oioin, jantár no cocktail privadu sira.

ASmallWorld hanesan rede sosiál nebe fó priviléjiu ba sósiu sira, hanesan asesu ba festa no bar exkluzivu sira hosi "World's Finest Clubs". "Priviléjiu" ida hosi ASmallWorld nebe iha folin tinan-tinan euro rihun rua. Proposta hosi rede ne'e maka halo viajen sira, nebe ezótiku liu, sai hanesan esperiénsia ida luxu ho nível nebe aas tebes. ELEQT, nebe lansa hosi empreza sira Quintessentially ho Elysiants, hakarak sai hanesan plataforma ida internasionál exkluzivu nebe foka iha konsumidór AAA. Sai membru ELEQT nian akontese de'it hosi konviti belun ida nian no membru ida iha númeru limitadu ba konviti sira, nebe sai duni hanesan exkluzivu.

Maibé iha rede sosiál sira seluk. Intelligent People hanesan klube virtuál ida nebe aseita de'it ema sira hoi IQ aas liu média, bainhira Millionaire Moms, hanesan rede ida nebe simu de'it inan milionáriu sira.

ho Económico

komentáriu sira